"Kəpəz”in futbolçusu Dario Frederiko Topaz Premyer Liqasında qol sayını 10-a çatdırıb.
Sportnet.az PFL-in rəsmi saytına istinadən xəbər verir ki, XXIV turun "Səbail”lə səfər oyununda (1:1) hesabı açan braziliyalı hücumçu cari mövsümdə 3-cü dəfə fərqlənib. O, Azərbaycan çempionatlarında ümumi qol sayında yubiley qeyd edib. Frederiko 10-cu qolunu Premyer Liqadakı 43-cü matçda rəqib qapısından keçirib.
2015/2016 mövsümündə 12 oyunda 3, 2016/2017 mövsümündə 22 qarşılaşmada 4 dəfə qol sevinci yaşayan hücumçu cari çempionatda 9-cu matçında 3-cü uğuruna rəsmiləşdirib.
Bununla da Frederiko "Kəpəz”in tarixində Azərbaycan çempionatlarında 10 və daha çox qol vuran 27-ci futbolçu, 6-cı legioner olub.
