"Səbail” klubunun baş məşqçisi postuna ən real namizəd müəyyənləşib.
Sportnet.az-ın məlumatına görə, paytaxt təmsilçisinin əsas komandası ötən mövsüm əvəzedici heyətin sükanı arxasında ölkə çempionu olan Elman Sultanova tapşırılacağı gözlənilir. Rəhbərlik 44 yaşlı mütəxəssisin başa çatan mövsümdə əldə etdiyi uğurun müqabilində əsas komandanı ona həvalə edəcək.
Qeyd edək ki, "Səbail” 2016/17 mövsümündə məhz Sultanovun rəhbərliyi altında I Diviziondan Premyer Liqaya vəsiqə qazanıb. Lakin elitaya yüksəldikdən sonra komanda Samir Əliyevə tapşırılıb.
