Baş məşqçi Robert Prosineçki futbol üzrə Azərbaycan milli komandasındakı ənənəsinə hazırda rəhbərlik etdiyi Bosniya və Herseqovina yığmasında da sadiq qalıb.
Sportnet.az-ın məlumatına görə, xorvatiyalı mütəxəssis Monteneqro ilə yoldaşlıq görüşündən əvvəl mətbuat konfransında komandanın start heyətini açıqlayıb. "11-liy"ə bir neçə gün əvvəl "Qarabağ"la yollarını ayıran qapıçı İbrahim Şehiç də daxil edilib.
Qeyd edək ki, bu gün keçiriləcək Bosniya Herseqovina - Monteneqro matçı Bakı vaxtı ilə saat 20:00-da başlanacaq. Bu, meydan sahiblərinin futbolçuları Zvezdan Misimoviç, Vedad İbişeviç və Emir Spaxiçin millidə son oyunu olacaq. Robert Prosineçki Azərbaycan yığmasında 2014 - 2017-ci illərdə çalışıb.
