"Qarabağ" klubu Sloveniya "Olimpiya"sı ilə keçirəcəyi Çempionlar Liqasının I təsnifat mərhələsinin qarşılaşmalarına əlavə oyunçu sifariş etməyəcək.
Sportnet.az-ın məlumatına görə, Ağdam təmsilçisi ilk görüşə bir sutka qalmış iştirak ərizəsinə daha bir futbolçu daxil etmək hüququndan yararlanmayıb. Hazırda Azərbaycan komandasının UEFA-ya təqdim etdiyi siyahısında 5 qapıçı, 7 müdafiəçi, 10 yarımmüdafiəçi və 1 hücumçu yer alıb. Onlardan İslandiya yığmasının qapıçısı Hannes Halldorsson zədəli olduğu üçün oynamayacaq. Bu səbəbdən, "çərçivə"ni digər yeni transfer Vaqnerin qoruyacağı gözlənilir. Yeni oyunçu qismində hücumçu transferi gözlənilir.
Qeyd edək ki, bu gün Lyublyanadakı "Stojitse" stadionunda keçiriləcək görüş Bakı vaxtı ilə saat 22:00-da başlanacaq.
