"Qarabağ"ın Çempionlar Liqasının I təsnifat mərhələsindəki rəqibi Sloveniyanın "Olimpiya" klubu iki yeni futbolçu ilə müqavilə imzalayıb.
Sportnet.az klubun saytına istinadən verdiyi məlumata görə, Lyublyana təmsilçisi Polşanın "Termaliça" klubunun futbolçusu Vitali Maksimenkonu heyətinə qatıb. 28 yaşlı müdafiəçi Latviya yığmasının da şərəfini qoruyur.
Komanda həmçinin 15 yaşlı gənc futbolçu Marbel Ratniklə də rəsmi müqavilə bağlayıb. O, "Olimpiya"nın gənclər komandasında çıxış edəcək.
Qeyd edək ki, "Qarabağ" bu gün Çempionlar Liqasının I təsnifat mərhələsinin cavab oyununda "Olimpiya" ilə qarşılaşacaq. Tofiq Bəhrəmov adına Respublika stadionunda keçiriləcək matç saat 21:00-da başlanacaq. Ağdam təmsilçisi ilk görüşdə rəqibini səfərdə 1:0 hesabı ilə məğlub edib.
