Futbol üzrə Çempionlar Liqasında III təsnifat mərhələsinə start verilib.
Sportnet.az xəbər verir ki, ilk oyun günündə 7 qarşılaşma keçirilir. Açılış oyununda Azərbaycan milli komandasının futbolçusu Riçard Almeydanın çıxış etdiyi Qazaxıstanın "Astana” komandası Xorvatiyanın "Dinamo" (Zaqreb) komandasını qəbul edib. Görüş qonaqların 2:0 hesablı qələbəsi ilə yekunlaşıb. Bununla da "Qəbələ”nin sabiq baş məşqçisi Roman Qriqorçukun rəhbərlik etdiyi kollektiv gələn həftə keçiriləcək cavab görüşü ərəfəsində özünü çətin vəziyyətə salıb.
Bu matçda Almeyda meydana 46-cı dəqiqədə daxil olub. "Qarabağ"ın daha bir sabiq yarımmüdafiəçisi Pedro Enrike isə start heyətdə yer alıb və sonadək çıxış edib.
"Qarabağ" da öz meydanında uduzub. Azərbaycan təmsilçisi Belarus BATE-sinə minimal hesabla yenilib. Daha 4 görüşdə qalib müəyyənləşməyib. Səfərdən məğlub qayıdan yeganə klub isə Türkiyə "Fənərbağça"sı olub. İstanbul komandası Portuqaliyada qapısından bir top buraxıb.
Çempionlar Liqası, III təsnifat mərhələsi
Cavab oyunları
7 avqust
18:00. "Astana” (Qazaxıstan) – "Dinamo” (Zaqreb, Xorvatiya) - 0:2
Qollar: Mario Budimir, 39. Dani Olmo, 84
21:00. "Qarabağ" (Azərbaycan) - BATE (Belarus) - 0:1
Qol: Stanislav Draqun, 36
21:15. "Malmö" (İsveç) - "Videoton" (Macarıstan) - 1:1
Qollar: Anders Kristiansen, 62 - Loik Neqo, 71
21:30. "Slaviya" (Praqa, Çexiya) - "Dinamo" (Kiyev, Ukrayna) - 1:1
Qollar: Yozef Quşbauer, 90+5 (penalti ilə) - Benjamin Verbiç, 82
22:00. "Standard" (Belçika) - "Ayaks" (Hollandiya) - 2:2
Qollar: Medhi Karsela, 67. Reno Emon, 90+4 - Klaas-Yan Huntelaar, 19. Duşan Tadiç, 34
22:00. "Srvena Zvezda" (Serbiya) - "Spartak" (Trnava, Slovakiya) - 1:1
Qollar: Əl-Fərdi ben Nabuhane, 23 (penalti ilə) - Erik Qrendel, 25
23:00. "Benfika" (Portuqaliya) - "Fənərbağça" (Türkiyə) - 1:0
Qol: Franko Servi, 69
Qeyd edək ki, Çempionlar Liqasının III təsnifat mərhələsinin qalan 3 ilk oyunu bu gün keçiriləcək. Cavab görüşləri isə avqustun 14-də olacaq.
