"Qəbələ" klubunun sabiq futbolçusu Aleksey Antonov Qazaxıstan "Aktobe"sini çətin vəziyyətdə qoyub.
Sportnet.az-ın sports.kz saytına istinadən verdiyi məlumata görə, klub 2015-ci ildə müqavilə bağladığı ukraynalı hücumçuya borcu 30 gün ərzində bağlamalıdır. Bu qərarı avqustun 24-də FIFA-nın Mübahisəli məsələlərlə bağlı palatası çıxarıb.
Lakin "AKtobe" tələbə əməl etmək niyyətində deyil. Sentyabrın 12-də Aktobe şəhər məhkəməsində klubun 6 keçmiş futbolçusuna qarşı iddia ərizəsinə baxılacaq. Həmin oyunçular arasında Antonov da var.
Qeyd edək ki, FIFA "Atobe"nin Aleksey Antonova müqavilə üzrə 50 milyon təngə (228 284 manat) və 3 ilədək yığılan faiz məbləğində borclu olduğu qənaətinə gəlib.
