Rusiya Peşəkar Futbol Liqasının (RPFL) prezidenti Sergey Pryadkin Azərbaycanla bağlı açıqlama verib. Sportnet.az-ın məlumatına görə, qurum rəhbəri ölkəmizlə futbol sahəsində əməkdaşlıq edəcəklərini bildirib.
Bir müddət əvvəl Qazaxıstan Futbol Federasiyasının prezidenti Oljas Abraevlə əməkdaşlıq müqaviləsi imzalayan Sergey Pryadkin deyib ki, iş birliyi Azərbaycanla da nəzərdə tutulub: "Bu, birləşmiş çempionatla bağlı deyil. Sadəcə, fəaliyyət sahəmizi genişləndirmək istəyirik". Azərbaycandan başqa, Belarus, Moldova və Ermənistanla da əməkdaşlıq edəcəyik".
Qeyd edək ki, MDB-nin Birləşmiş çempionatını keçirmək təklifini 2012-ci ildə Moskva ÇSKA-sının sabiq baş məşqçisi Valeri Qazzayev irəli sürmüşdü.
