"Sumqayıt" klubunun futbolçusu Yusif Nəbiyev Topaz Premyer Liqasının IV turunda səfərdə "Qarabağ"la matçda qırmızı vərəqə aldığını üçün cəzalandırılıb.
Sportnet.az AFFA-nın saytına istinadən xəbər verir ki, 21 yaşlı müdafiəçiyə 1 oyunluq cəza verilib. Gənclik şəhəri təmsilçisi isə 200 manat məbləğində cərimələnib.
Həmçinin qarşılaşma başa çatdıqdan sonra "Sumqqayıt"ın azarkeşləri meydana kənar əşyalar atdığına görə klub əlavə olaraq 1600 manat da ödəməli olacaq.
"Sabah" klubunun futbolçusu Məqsəd İsayev IV turda "Qəbələ" ilə qarşılaşmada qırmızı vərəqə aldığı üçün bir oyunluq cəzaya məruz qalıb. Premyer Liqanın debütantı isə 200 manat məbləğində cərimələnib.
Qeyd edək ki, IV turda "Qarabağ" "Sumqayıt"ı, "Sabah" isə "Qəbələ"ni 1:0 hesabı ilə məğlub edib.
