Bu gün Topaz Premyer Liqasında I turun təxirə salınmış "Qarabağ” – "Zirə” oyunu keçirilib.
Sportnet.az xəbər verir ki, Ağdam təmsilçisi "Azərsun Arena”da baş tutan görüşdə qələbə qazanıb - 3:2. Meydan sahiblərinin qollarına 28-ci dəqiqədə penaltidən Filip Ozobiç, 48 və 85-ci dəqiqələrdə İnnosent Emeqara imza atıb. Qonaqların heyətində isə 56 və 85-ci dəqiqələrdə Mirsahib Abbasov fərqlənib.
Bu qələbə sayəsində xalını 13-ə çatdıran "Qarabağ” 1-ci pilləyə yüksəlib. Qurban Qurbanov rəhbərlik etdiyi kollektiv "Neftçi" ilə eyni xala malik olsa da, top fərqində üstün olduğu üçün liderə çevrilib.
"Zirə” isə 1 xalla sonuncu – 8-ci pillədə qərarlaşıb.
---------------------------
Bu gün Topaz Premyer Liqasında I turun təxirə salınmış "Qarabağ” – "Zirə” matçı keçiriləcək.
Sportnet.az xəbər verir ki, Ağdam komandasının Çempionlar Liqasının III təsnifat mərhələsində Belarus BATE-si ilə cavab oyununa daha yaxşı hazırlaşması məqsədi ilə təxirə salınmış görüş "Azərsun Arena”da baş tutacaq.
Hazırda 2-ci pillədə qərarlaşan "Qarabağ” qalib gələcəyi halda, xallarını 13-ə çatdıracaq və lider "Neftçi”yə şərik olacaq. Qurban Qurbanovun rəhbərlik etdiyi kollektiv indiyi qədər qəsəbə komandasına qarşı keçirdiyi 12 oyunun heç birində uduzmayıb – 9 qələbə, 3 heç-heçə. Ağdamlılar evdəki son 5 qarşılaşmada qol buraxmayıb.
"Zirə” Samir Abasovun baş məşqçi postuna gəlişindən sonra üçüncü oyununa çıxıacaq. Lakin 39 yaşlı mütəxəssis cəzalı olduğu üçün texniki zonada yer almayacaq. "Qartallar” hazırda 1 xalla sonuncu – 8-ci pillədə qərarlaşıblar.
Topaz Premyer Liqası
I turdan təxirə salınmış oyun
26 sentyabr (çərşənbə)
20:00. "Qarabağ” – "Zirə” - 3:2
Qollar: Filip Ozobiç, 28 (p.). İnnosent Emeqara, 48; 85 - Mirsahib Abbasov, 56; 82
Hakimlər: Ramil Diniyev, Vüqar Bayramov, Azər Əsgərov, Xəlil Xəlilov
Hakim-inspektor: Vüsal Əliyev
AFFA nümayəndəsi: Elbrus Abbasov
Bakı. "Azersun Arena”
