"Futbolçulardan razı qaldım. Belə rəqibdən çəkinmədilər, xeyli qol imkanı yaratdılar. Oyun tam düşündüyümüz kimi alındı".
Sportnet.az xəbər verir ki, bunu "Qarabağ"ın baş məşqçisi Qurban Qurbanov İngiltərə "Arsenal"ına Bakıda 0:3 hesabı ilə uduzduqları Avropa Liqasının qrup mərhələsinin II tur matçından sonra CBC Sport-a açıqlamasında deyib.
O bildirib ki, oyunun taleyini ustalıq səviyyəsi həll edib: "Komandamız həm topla yaxşı davrandılar, həm də çoxlu qol epizodu yaratdılar. Sadəcə, rəqibin ustalığı bizi üstələdi. Onlar hər bir qol epizodundan yararlandılar. Lakin biz qol epizodlarından istifadə edə bilmədik. Bununla belə, "Arsenal"a qarşı layiqincə mübarizə apardıqları üçün futbolçularımın hər birinə təşəkkür edirəm. Həm də əlbəttə, bütün azarkeşlərimizə".
