Premyer Liqanın VIII turunun oyunları çərçivəsində "Bakı" klubu sabah "Xəzər Lənkəran"ın qonağı olacaq. Sportnet.az-ın məlumatına görə, bu mühüm qarşılaşma ilə bağlı paytaxt təmsilçisinin futbolçusu Nurlan Novruzov klubun rəsmi saytına açıqlama verib.
O, "Bakı” azarkeşlərinə qol vuracağını səslənib: "Rəqib Azərbaycanın böyük klublarından biridi, bu oyuna ciddi hazırlaşmışıq. İnşallah, istədiyimiz oyunu göstərib səfərdən qələbə ilə qayıdarıq. Bütün "Bakı” azarkeşlərinə qol söz verirəm. Amma buna baxmayaraq, həm mənim, həm də komandam üçün ən vacib olan 3 xaldır”.
Qeyd edək ki, "Xəzər Lənkəran" - "Bakı" qarşılaşması sabah 17:00-da star götürəcək.
