İngiltərə milli komandasının sabiq futbolçusu Con Terri karyerasını rəsmən başa vurub.
Sportnet.az xəbər verir ki, bu barədə 38 yaşlı müdafiəçi şəxsi "Instagram"ında yazıb. O bildirib ki, futbolçu kimi 23 illik inanılmaz karyerasından sonra futboldan getmək üçün doğru zaman yetişib.
Qeyd edək ki, Con Terri sentyabrda Rusiya "Spartak"ına keçməyə yaxın olub. Lakin təcrübəli müdafiəçi ailəsi ilə məsləhətləşdikdən sonra müqavilə bağlamaqdan imtina edib. Terri 1998 - 2017-ci illərdə "Çelsi"də, 2017-2018 mövsümündə "Aston Villa"da çıxış edib. Tanınmış futbolçu 5 dəfə İngiltərə çempionluğu və 5 dəfə ölkə kubokunu, 3 dəfə İngiltərə Liqa Kubokunu, 1 dəfə Çempionlar Liqasını və 1 dəfə Avropa Liqasını qazanıb.
