Bu gün İngiltərə Premyer Liqasında 9-cu turun açılış matçında Londonun "Çelsi” klubu "Mançester Yunayted”i qəbul edib.
Sportnet.az-ın məlumatına görə, görüş 2:2 hesabı ilə başa çatıb.
Oyunda hesab birinci hissənin 21-ci dəqiqəsində londonlular açıb. Müdafiəçi Antonio Ryudiger hücumçu Villianın məhsuldar ötürməsini qola çevirib. İkinci hissənin 55 və 73-cü dəqiqələrində isə "Mançester Yunayted”in hücumçusu Antoni Marsyal fərqlənərək komandasını önə çıxarıb. Lakin 96-cı dəqiqədə "Çelsi” yarımmüdafiəçi Ross Barklinin qolu ilə hesabı bərabərləşdirməyə nail olub.
Hazırda 21 xal toplamış "Çelsi” turnir cədvəlinə başçılıq edir, "Mançester Yunayted” 14-cü yerdə qərarlaşıb.
