İspaniyanın "Real Madrid" klubunun futbolçusu Marselo La Liqanın X turunda "Barselona"ya 1:5 hesabı ilə uduzduqları görüşdə zədələnib.
Sportnet.az-ın "Marca"ya istinadən məlumatına görə, braziliyalı müdafiəçinin sağ aya əzələlərindən xəsarət aldığı müəyyənləşib. Onun bərpasına azı iki həftənin lazım gələcəyi gözlənilir. Beləliklə, Marselo noyabrda milli komandaların oyunları ilə əlaqədar veriləcək fasiləyədək meydana çıxmayacaq. "Sambaçı" sentyabrda da analoji zədə ilə üzləşib. O, kollektiv məşqlərə oktyabrın 18-də qayıdıb.
Qeyd edək ki, daha əvvəl Rafael Varan da zədələnib. Hazırda "Real Madrid" 14 xalla 9-cu yerdə gedir.
