Topaz Premyer Liqasında XI tura yekun vurulub.
Sportnet.az xəbər verir ki, həftənin son oyununda "Sumqayıt” "Keşlə”ni qəbul edib. Matçın ilk hissəsində komandalar qapılar qarşısında təhlükəli vəziyyət yarada bilməyib. İkinci hissəyə qonaq komanda sürətli başlayıb. Qarşılaşmanın 52-ci dəqiqəsində "Keşlə”dən Amil Yunanov hesabı açıb. Dörd dəqiqə sonra Georgiadis Georgios ikinci qolu vurub. 65-ci dəqiqədə "Sumqayıt"ın forvardı Atilla Yıldırım fərqlənərək qollardan birinin əvəzini çıxıb. Amma 67-ci dəqiqədə meydan sahiblərinin qolkiperi Orxan Sadıxlı kobud oyuna görə birbaşa qırmızı vərəqə alıb. Bunun müqabilində, 79-cu dəqiqədə Yunanov sabiq komandasının qapısına növbəti dəfə yol tapıb. Oyuna əlavə olunmuş 3-cü dəqiqədə Andre Klennon yekun nəticəni müəyyənləşdirib - 4:1.
Tərlan Əhmədovun rəhbərliyi altında ilk qələbəsini qazanan "Keşlə” 9 xalla 7-ci pillədə qərarlaşıb. "Sumqayıt” isə 11 xalla 6-cı yerdədir.
Qeyd edək ki, ilk oyun günündə "Səbail” səfərdə "Sabah”ı 4 cavabsız qolla məğlub etdiyi halda, "Neftçi” evdə "Zirə” ilə bərabərə qalıb – 2:2. "Qarabağ” isə evdə "Qarabağ”a 1:3 hesabı ilə uduzub.
________
Topaz Premyer Liqasının XI turunda daha bir oyun keçirilib.
Sportnet.az xəbər verir ki, həftənin üçüncü matçında "Qəbələ” "Qarabağ”ı qəbul edib. Görüşdə hesabı 33-cü dəqiqədə meydan sahiblərinin futbolçusu Ceyms Adeniyi açıb. Lakin ağdamlılar fasilədən sonra İnnosent Emeqara, Miçel Madeyra və Filip Ozobiçin qolları ilə qələbə qazanıblar. Legioner oyunçular müvafiq olaraq 47, 64 və 69-cu dəqiqələrdə fərqləniblər.
Bu qələbədən sonra xalını 23-ə çatdıran "Qarabağ” 2-ci sıraya yüksəlib. "Qəbələ” isə 12 xalla 5-ci pillədə qalıb.
Qeyd edək ki, ilk oyun günündə "Səbail” "Sabah”ı 4 cavabsız qolla məğlub edib. "Neftçi” isə "Zirə” ilə bərabərə qalıb - 2:2. Tura "Sumqayıt” "Keşlə” oyunu ilə yekun vurulacaq.
__________
Bu gün Topaz Premyer Liqasında XI turun son 2 oyunu keçiriləcək.
Sportnet.az-ın məlumatına görə, əvvəlcə "Qəbələ" və "Qarabağ" komandaları üz-üzə gələcək. Qəbələ şəhər stadionunda təşkil olunacaq görüşü Rauf Cabbarov idarə edəcək. Bu kollektivlər son illərədək çempionluq uğrunda mübarizə aparsalar da, hazırda vəziyyət nisbətən fərqlidir. 10 turdan sonra "Qəbələ" 12 xalla 5-ci, "Qarabağ" 20 xalla 3-cü pillədə yer alıb. "Qırmızı-qaralar" hətta qələbə qazansalar belə, 5-ci pillədən irəli gedə bilməyəcəklər. Sənan Qurbanovun baş məşqçi olduğu komanda xallarını 15-ə çatdıraraq, "Sabah"la fərqi minimuma endirəcək. "Qarabağ" isə ötən gün itirdiyi ikinci pilədəki mövqeyini geri qaytarmaq və "Neftçi" ilə fərqi 3-ə endirmək üçün mütləq qalib gəlməlidir.
İndiyədək bu komandalar 41 dəfə üz-üzə gəliblər. Oyunlardan 10-da "Qəbələ", 18-də "Qarabağ" qalib gəlibsə, daha 12-də heç-heçə qeydə alınıb. Topların nisbəti 53:37 "Qarabağ"ın xeyrinədir. Ağdam komandası son oyunlarda ardıcıl 2 qələbə qazanıb. "Qəbələ”nin axırıncı 4 ev matçında qol vuran tərəf qalib gəlib. İlk dövrədə "Qarabağ" "Qəbələ"ni darmadağın edib - 4:1.
Turun son qarşılaşmasında "Sumqayıt" "Keşlə"ni sınağa çəkəcək. Hazırda "gənclik şəhəri" təmsilçisi 11 xalla 6-cı, qəsəbə komandası 6 xalla 7-ci pillədə qərarlaşıb. "Sumqayıt" qələbə qazansa, "Qəbələ"nin mümkün xal itkisindən yararlanaraq, 6-cı pilləyə yüksələcək. "Keşlə" isə son pillədəki "Zirə"dən aralanmaq üçün mütləq qalib gəlməlidir.
İndiyədək bu kollektivlər arasında 25 oyun olub. 6 matçda "Sumqayıt", 12-də "Keşlə" qalib gəlb, 7 oyun heç-heçə ilə yekunlaşıb. Topların nisbəti "Keşlənin xeyrinədir - 37:24. İki klubun görüşlərinə gəldikdə, ardıcıl 4 məğlubiyyət alan "Keşlə” 5 oyundur qələbə qazanmır. Son 5 qarşılaşmada hər iki komanda qol sevinci yaşayıb.
Topaz Premyer Liqası, XI tur
11 noyabr (bazar)
17:30. "Qəbələ” – "Qarabağ” - 1:3
Qollar: Ceyms Adeniyi, 33 - İnnosent Emeqara, 47. Miçel, 64. Filip Ozobiç, 69
Hakimlər: Rauf Cabbarov, Namiq Hüseynov, Cavanşir Yusifov, Ramiz Məhərrəmov
Hakim-inspektor: Fizuli Nəcəfov
AFFA nümayəndəsi: Erkin Hüseynov
Qəbələ şəhər stadionu
19:30. "Sumqayıt” - "Keşlə” - 1:4
Qollar: Atilla Yıldırım, 65 - Amil Yunanov, 52; 79. Georgios Georgiadis, 56. Andre Klennon, 90+3
Qırmızı vərəqə: Orxan Sadıqlı ("Sumqayıt")
Hakimlər: Əliyar Ağayev, Zeynal Zeynalov, Rza Məmmədov, Akif Əmirəli
Hakim-inspektor: Murad Məmmədov
AFFA nümayəndəsi: Əsgər Əmirəliyev
"Bayıl Arena"
İlk oyun günündə "Səbail" səfərdə "Sabah"a 4:0 hesabı ilə qalib gəlib. "Neftçi" - "Zirə" matçında isə 2:2 hesablı heç-heçə qeydə alınıb.
