Almaniyanın "Aue" klubunda Azərbaycan milli komandasının futbolçusu Dmitri Nazarov zədələnib.
Sportnet.az-ın "Tag24"ə istinadən verdiyi məlumata görə, 29 yaşlı yarımmüdafiəçinin ayaqlarında problem yaranıb. Bu səbəbdən, Nazarov komandasının laktat testində iştirak etməyəcək.
Qeyd edək ki, "Aue" Almaniyanın II Bundesliqasında növbəti oyununu yanvarın 29-da səfərdə "Maqdeburq"a qarşı keçirəcək. Dmitri Nazarovun komandası 18 turdan sonra 22 xalla 12-ci pillədə qərarlaşıb.
