İspaniyanın "Real Madrid” klubunun rəhbərliyi Joze Mourinyo ilə danışıqlara başlayıb.
Sportnet.az "The Sun”a istinadən xəbər verir ki, paytaxt təmsilçisinin prezidenti Florentino Peres ötən ay İngiltərə "Mançester Yunayted”inin baş məşqçi postundan istefaya göndərilmiş portuqaliyalı mütəxəssisi yenidən komandanın sükanı arxasında görmək istəyir.
Lakin 54 yaşlı Mourinyo sabiq klubundan qovulmasının müqabilində təzminatını ala bilmədiyi üçün hələlik "Real Madrid”də işə başlaya bilmir.
Qeyd edək ki, Joze Mourinyo "Mançester Yunayted”dən uğursuz nəticələrlə əlaqədar kənarlaşdırılıb. O, 2010 – 2013-cü illərdə "Real Madrid”in baş məşqçisi olub.
