"Neftçi” klubu qış təlim-məşq toplanışının ilk mərhələsinə hazırlığını davam etdirir.
Sportnet.az xəbər verir ki, flaqman "Türk Hava Yolları Futbol Mərkəzi”ndə məşqə çıxıb. Məşqin ilk 15 dəqiqəsi mətbuat üçün açıq olub.
Paytaxt təmsilçisi bu müddətdə toplu və fiziki çalışmalara üstünlük verib. Komandanın 3 üzvü - Kvame Karikari, Dario Frederiko və Slavko Braliç məşqdə iştirak etməyib. Hər üç legioner axşam saatlardan Bakıya gələcək və sabah komandaya qoşulacaq.
Qeyd edək ki, "Neftçi” sabah Bakıdakı təlim-məşq toplanışı başa vuraraq ertəsi gün Türkiyəyə yollanacaq. Ayın 27-dək Antalya şəhərindəki Manavqat bölgəsində yerləşən "The Sense De Luxe” otelində məskunlaşacaq komanda burada 3 yoxlama oyunu keçirəcək. "Ağ-qaralar” ayın 18-də "Qaz Metan” (Rumıniya), 23-də "Slovan” (Liberes, Çexiya), 26-da isə "Beroe” (Bolqarıstan) klollektivkləri ilə üz-üzə gələcək.
