İngiltərə "Liverpul”u yeni hücumçu ilə komandasını gücləndirib. Sportnet.az-ın yerli KİV-lərə istinadən məlumatına görə, "qırmızılar” "Soutqempton”un futbolçusu Riki Lamberti heyətinə qatıb.
33 yaşlı forvard və klubu ilə bütün məsələlərdə razılığa gələn Premyer Liqa təmsilçisi yaxın günlərdə futbolçu ilə 2illik müqavilə bağlayacaq. "Liverpul” bu keçid üçün 4 milyon funt-sterlinq ödəyəcək.
Qeyd edək ki, İngiltərə millisinin də üzvü olan Lambert 2009-cu ildən "Soutqempton”da çıxış edir.
