“Qəbələ” futbol akademiyasının komandaları növbəti oyunlarını keçiriblər.
Sportnet.az xəbər verir ki, "qırmızı-qaralar" AFFA-nın aşağı yaş qrupları üçün təşkil etdiyi liqalarda mövsümün ikinci yarısına start veriblər. Gənclər Liqasında çıxış edən U-19 2019-cu ildə ilk sınağına çıxıb. “Neftçi” ilə ev oyunu qolsuz yekunlaşıb. 14 görüşdə 40 xal toplayan “Qəbələ” yarışın lideridir.
U-16 2019-cu ildə ilk qələbəsini “Sumqayıt”la görüşdə qazanıb. Bunadək “Zirə”yə 1:2 hesabı ilə uduzan “qırmızı-qaralar” ev oyununda 6:1 hesablı qələbəni rəsmiləşdirib. 16 görüşdə 40 xal toplayan bu komanda da turnir cədvəlinin 1-ci pilləsində qərarlaşıb.
Paytaxt zonasında çıxış edən U-13 “Təhsil RİM”lə qarşılaşıb. Matç bərabərliklə başa çatıb – 1:1. 14 matçda 20 xal toplayan "Qəbələ" 8-ci pillədə qərarlaşıb.
