Azərbaycan Premyer Liqasında XXIII turun növbəti oyunu keçirilib.
Sportnet.az-ın məlumatına görə, "Bakcell Arena"da "Neftçi" "Zirə"ni qəbul edib. Görüş meydan sahiblərinin qələbəsi ilə yekunlaşıb - 4:2. Hesabı 40-cı dəqiqədə təkbətəkdən Baqali Dabo açıb. Bundan 3 dəqiqə sonra Anton Krivotsyuk cərimə zərbəsindən ötürülən topu başla tora göndərib.
İkinci hissədə Samir Abasov bir sıra dəyişikliklər edib. Bunun nəticəsində 59-cu dəqiqədə Mfo Kqasvane Mamadu Mbocu səhvindən sonra fərqi azaldıb. Lakin bu vaxt Mirabdulla Abbasovun əvəzinə meydana daxil olan Namik Ələskərov cəmi 2 dəqiqə sonra fərqi yenidən artırıb. 80-ci dəqiqədə Kqasvane penaltidən yenə fərqi azaldıb. Lakin 88-ci dəqiqədə Dabo özünün ikinci, komandasının 4-cü qolunu vuraraq, yekun nəticəni müəyyənləşdirib.
Görüşün sonunda meydanda qalmaqal baş verib. Nəticədə baş hakim İlkin Muradov və Orxan Sadıqlıya qırmızı vərəqə göstərib. Bununla yanaşı, uzun fasilədən sonra Rusan Abışov meydana çıxıb. O, 2018-ci ilin 19 iyulunda Macarıstanda "Uypeşt"lə Avropa Liqasının I təsnifat mərhələsinin ilk görüşündə zədələnmişdi.
Bu qələbə sayəsində "Neftçi" xallarını 51-ə çatdıraraq, vahid liderə çevrilib. "Zirə" isə 22 xalla 6-cı pillədə qalıb.
-----------------------------
Futbol üzrə Azərbaycan Premyer Liqasında XXIII tura start verilib.
Sportnet.az xəbər verir ki, həftənin açılış matçında "Sumqayıt" "Keşlə"ni qəbul edib. "Kapital Bank Arena"da baş tutan görüşdə hesabı meydan sahibləri açıb. Matçın 4-cü dəqiqəsində Peyman Babayi fərqlənib. 40-cı dəqiqədə Samir Məsimov bərabərlik topunu vurub. 85-ci dəqiqədə isə Cavid Tağıyev "Sumqayıt"ın qələbə qolunun müəllifi olub - 2:1.
Beləliklə, 9 oyundan sonra qalib gələrək, xallarını 20-yə çatdıran "Sumqayıt" "Keşlə"ni keçərək sonuncu pillədən qurtulub. Axırıncı - 8-ci yerə düşən paytaxt təmsilçisinin isə 19 xalı var.
Qeyd edək ki, XXIII tura bu gün keçiriləcək "Neftçi" - "Zirə", eləcə də aprelin 7-də baş tutacaq "Qəbələ" - "Qarabağ" və "Sabah" - "Səbail" oyunları ilə yekun vurulacaq.
-----
Bu gün Azərbaycan Premyer Liqasında XXIII tura star veriləcək.
Sportnet.az xəbər verir ki, ilk oyun günündə iki qarşılaşma təşkil olunacaq. Görüşlərdən biri paytaxtda, digəri isə Sumqayıtda keçiriləcək.
Sonuncu - 8-ci pillədə qərarlaşan "Sumqayıt" evdə "Keşlə"nin müqavimətini qırmağa çalışacaq. Son vaxtlar qələbə qazana bilməyən meydan sahiblərinin 17, yeddinci pillədəki "Keşlə"nin isə 19 xalı var. Paytaxt klubu rəqibinə qarşı son 16 çempionat matçının hamısında qol vurmağı bacarıb. Ardıcıl yeddi oyunda isə hər iki kollektiv fərqlənə bilib. Premyer Liqadakı 27 oyunun 14-də qonaqlar, 6-da isə meydan sahibləri qələbə sevinci yaşayıb. Topların fərqində də "Keşlə"nin aşkar üstünlüyü var - 43:26. Birinci dövrədə "Sumqayıt", digər iki dövrədəki matçlarda isə "Keşlə" meydanı 3 xalla tərk edib.
Günün digər oyununda çempionluğa iddialı "Neftçi" "Zirə"ni qəbul edəcək. "Qarabağ"la birlikdə 48 xalı olan flaqman hazırda 1-2-ci yerləri bölüşdürür. Qəsəbə təmsilçisi isə 22 xalla 6-cıdır. Komandalar çempionatda indiyədək 15 dəfə qarşılaşıblar və görüşlərin 2-də "Neftçi", 8-də isə "Zirə" qələbə qazanıb. Topların fərqində də qəsəbə komandasının üstünlüyü var - 18:11. Buna baxmayaraq "Zirə" rəqibinə qarşı son beş oyunda qələbə qazana bilməyib. Flaqman isə evdə keçirdiyi görüşlərin heç birində qələbə sevinci yaşamayıb. Birinci dövrədəki oyunda "Neftçi" qələbə qazanıbsa, digər iki dövrədəki matçlar heç-heçə bitib.
Qeyd edək ki, tura sabah keçiriləcək "Qəbələ" - "Qarabağ" və "Sabah" - "Səbail" oyunları ilə yekun vurulacaq.
Azərbaycan Premyer Liqası, XXIII tur
6 aprel (şənbə)
16:00 . “Sumqayıt” – “Keşlə” - 2:1
Qollar: Peyman Babayi, 4 - Samir Məsimov, 40. Cavid Tağıyev, 86
Hakimlər: Orxan Məmmədov, Vüqar Bayramov, Qəzənfər Məmmədov, Rauf Cabarov
Hakim-inspektor: Asim Xudiyev
AFFA nümayəndəsi: Məmmədəli Məmmədov
“Kapital Bank Arena”
I dövrə - 2:1. II dövrə - 1:4. III dövrə - 1:2
18:00. “Neftçi” – “Zirə” - 4:2
Qollar: Baqali Dabo, 40; 88. Anton Krivotsyuk, 44. Namik Ələskərov, 61 - Mfo Kqasvane, 59; 80 (pen.)
Qırmızı vərəqə: İlkin Muradov, 90 ("Zirə")
Hakimlər: İnqilab Məmmədov, Rahil Ramazanov, Pərvin Talıbov, Rövşən Rəcəbov
Hakim-inspektor: Anar Salmanov
AFFA nümayəndəsi: Ələddin Ələkbərov
“Bakcell Arena”
I dövrə - 2:1 II dövrə - 2:2. III dövrə - 0:0
