“Çətin qələbə qazandıq. Meydanda əsl xarakter nümayiş etdirdik və sübut etdik ki, bu komandanın böyük bacarığı var".
Sportnet.az xəbər verir ki, bunu "Sabah" komandasının futbolçusu Filip İvanoviç evdə "Səbail"ə 3:1 hesabı ilə qalib gəldikləri Azərbaycan Premyer Liqasının XXIII tur matçından sonra klubun rəsmi saytına açıqlamasında deyib. Komandasının bərabərlik qoluna imza atan serbiyalı müdafiəçi qələbəni klub rəhbərliyi və məşqçilər heyətinə həsr etdiyini bildirib: "Bu qələbənin onlar üçün nə qədər əhəmiyyətli olduğunu bilirik. Həmçinin, bizi daim dəstəkləyən azarkeşlərimizə də təşəkkür edirəm".
İvanoviç komandada ilk qolunu vurmasından da məmnunluq ifadə edib: "Sevinirəm ki, bu qol bizim çətin qələbəmizə töhfə verdi. Ancaq bu matç artıq geridə qaldı. İndi diqqətimizi qarşıdakı oyunlara yönəltməliyik”.
