UEFA Çempionlar Liqasında pley-off mərhələsinin cavab matçlarına start verilib.
Sportnet.az-ın məlumatına görə, ilk oyun günündə 3 görüş keçirilib. “Krasnodar” Rusiyada Yunanıstan “Olimpiakos"una 1:2 hesabı ilə uduzub. İlk matçda da 4:0 hesabı ilə qalib gəlmiş "Olimpiakos" qitənin ən nüfuzlu klub turnirinin qrup mərhələsinə yüksəlib.
Qalan iki oyun eyni hesablı heç-heçələrlə yekunlaşıb. Lakin bunların birində Serbiya “Srvena Zvezda”sı İsveçrədə "Yanq Boyz"a daha çox top vurduğu üçün, Xorvatiyanın "Dinamo" (Zaqreb) komandası isə evdə Norveç "Rusenborq"unu yendiyi üçün ÇL-in qrupuna düşüb.
Qeyd edək ki, "Krasnodar”, “Yanq Boyz" və "Rusenborq” mübarizəni Avropa Liqasının qrup mərhələsində davam etdirəcək.
Çempionlar Liqası
Pley-off mərhələsi, cavab oyunları
23:00. “Krasnodar” (Rusiya) – “Olimpiakos” (Yunanıstan) - 1:2
Qollar: Daniil Utkin, 10 - Yussef əl-Ərəbi, 11; 48
İlk oyun – 0:4
23:00. “Srvena Zvezda” (Serbiya) – “Yanq Boyz” (İvseçrə) - 1:1
Qollar: Aleksa Vukanoviç, 59 - Əl-Fərdi ibn Nabuhan, 82 (öz qapısına)
İlk oyun – 2:2
23:00. “Rusenborq” (Norveç) – “Dinamo” (Zaqreb, Xorvatiya) - 1:1
Qollar: David Akintola, 11 - Amer Qoyak, 71
İlk oyun – 0:2
