Futbol üzrə Azərbaycan Premyer Liqasında I dövrəyə yekun vurulub.
Sportnet.az-ın məlumatına görə, VII turun son matçında "Qarabağ" "Sabah"ı qəbul edib. Tofiq Bəhramov adına Respublika stadionundakı qarşılaşma Ağdam təmsilçisinin 2:0 hesablı qələbəsi ilə bitib.
Meydan sahiblərinin heyətində ilk qolu Maqaye Qeye 17-ci dəqiqədə vurub. 51-ci dəqiqədə isə Abbas Hüseynov topu rəqib qapısından keçirib. 79-cu dəqiqədə "Sabah"ın heyətində Bəhlul Mustafazadə qırmızı vərəqə alıb.
Ardıcıl 7-ci qələbəsini qazanan "Qarabağ" 21 xalla liderliyini daha da möhkəmləndirib. "Sabah" isə 5 xalla sonuncu - 8-ci pillədə qərarlaşıb.
Qeyd edək ki, turun digər matçlarında "Sumqayıt" evdə "Keşlə" ilə (0:0), "Zirə" isə "Qəbələ" ilə heç-heçə (1:1) edib. "Neftçi" isə "Səbail"i minimal hesabla (2:1) üstələyib.
----------------------------------------------
Azərbaycan Premyer Liqasında VII turun daha bir oyunu keçirilib. Zirə qəsəbə stadionunda eyniadlı komanda üz-üzə gəlib.
Sportnet.az-ın məlumatına görə, eyniadlı komanda "Qəbələ"ni qəbul edib. Görüş 1:1 hesablı heç-heçə ilə yekunlaşıb.
Hər iki qol ikinci hissədə vurulub. 64-cü dəqiqədə Ülvü İsgəndərov "Qəbələ"ni hesabda irəli çıxarıb. Bundan cəmi 3 dəqidə sonra İlkin Muradov tarazlığı təmin edib.
Bu nəticədən sonra xallarını 8-ə çatdıran 5-ci pillədə qalıb. "Qəbələ" isə 5 xalla 7-ci pilləyə yüksəlib.
---------
Bu gün futbol üzrə Azərbaycan Premyer Liqasında I dövrəyə yekun vurulacaq.
Sportnet.az xəbər verir ki, VII turun son oyun günündə 2 matç keçiriləcək. Əvvəlcə 7 xalla 5-ci sırada qərarlaşan “Zirə” 4 xalla sonuncu yerdəki “Qəbələ”ni qəbul edəcək. Bu komandalar indiyədək milli çempionatda 16 dəfə qarşılaşıblar. Onlardan 4-də qəsəbə, 5-də isə əyalət təmsilçisi qalib gəlib. 7 qarşılaşmada isə heç-heçə qeydə alınıb.
Həftənin son matçı 100 faizlik nəticə ilə vahid lider olan “Qarabağ” 5 xalla 7-ci pillədəki “Sabah”ı qəbul edəcək. Bu kollektivlərin əvvəlki 4 görüşündə ağdamlılar uduzmayıblar - 2 qələbə, 2 bərabərlik.
Qeyd edək ki, tur başa çatandan sonra milli komandaların oyunları ilə əlaqədar ölkə çempionatlarında fasilə yaranacaq. Premyer Liqada II dövrəyə oktyabrın 19-da start veriləcək.
Premyer Liqa
VII tur
6 oktyabr (bazar)
18:00. “Zirə” – “Qəbələ” - 1:1
Qollar: İlkin Muradov, 67 - Ülvü İsgəndərov, 64
Hakimlər: İnqilab Məmmədov, Rahil Ramazanov, Pərvin Talıbov, Orxan Məmmədov
Hakim-inspektor: Fariz Yusifov
AFFA nümayəndəsi: Elgiz Abbasov
Zirə İdman Kompleksinin stadionu
20:30. “Qarabağ” – “Sabah” - 2:0
Qollar: Maqaye Qeye, 17. Abbas Hüseynov, 51
Qırmızı vərəqə: Bəhlul Mustafazadə, 77
Hakimlər: Vüqar Həsənli, Mübariz Haşımov, Elşad Abdullayev, Namiq Bəkirov
Hakim-inspektor: Ramil Diniyev
AFFA nümayəndəsi: Ramiz Mustafayev
Tofiq Bəhramov adına Respublika Stadionu
