"Səbail" və “Zirə” komandaları tarixdə 11-ci dəfə üz-üzə gələcəklər. Sportnet.az-ın məlumatına görə, bu gün “ASCO Arena”da keçiriləcək Azərbaycan Premyer Liqasının XX tur matçı saat 16:0-da başlanacaq.
İlk dəfə 2017-ci ildə “Səbail”lə qarşılaşan “Zirə” bu oyunlarda üstünlüyə malikdir. 5 dəfə qalib gələn “qartallar” 2 heç-heçə edib və 3 dəfə uduzub. Rəqib qapısından 12 top keçirən futbolçularımız 6 top buraxıblar.
“Zirə”nin vurduğu qollara 10 futbolçu imza atıb. Nicat Süleymanov və Xulio Sezar Rodrigez komanda yoldaşlarından daha çox – hərəyə 2 dəfə fərqlənib.
"Zirə" səfər oyunlarında da üstünlüyə malikdir. Əvvəlki 5 matçda 3 qələbə qazanan “qartallar” iki dəfə uduzub. 4 qol vuran komanda "Səbail"dən 1 top buraxıb.
