Çinin "Şandun Lunen" klubunun futbolçusu Maruan Fellayni koronavirusa yoluxub.
Sportnet.az-ın "Sina Sport"a istinadən məlumatına görə, belçikalı yarımmüdafiəçinin testi müsbət nəticə verib. O, müalicə və izolyasiya üçün infeksion xəstəxanaya yerləşdirilib. Fellaynidə COVID-19-un aşkarlanması Tszinan səhiyyə komitəsinin hesabatında əksini tapıb.
Qeyd edək ki, Çin çempionatında yeni mövsüm apreldə başlanacaq. "Gündoğar ölkə"də koronavirusla bağlı vəziyyət gündən-günə yaxşılaşmaqdadır. Maruan Fellayni İngiltərənin "Mançester Yunayted" və "Everton"dakı çıxışları ilə tanınır.
