İngiltərə Premyer Liqasında çıxış edən "Norviç" klubu Lüksemburq "Düdelanj"ının futbolçusu Daniel Sinanini transfer edib.
Sportnet.az-ın klubun rəsmi saytına istinadən verdiyi məlumata görə, 23 yaşlı hücumçu ilə 3 illik müqavilə bağlanılıb. Sözləşmə 2020/2021 mövsümündən qüvvəyə minəcək.
Qeyd edək ki, "Düdelanj" son iki mövsümdə Lüksemburq çempionu olub. Bu komanda Avropa Liqasının qrup mərhələsində "Qarabağ"ın rəqiblərindən olub. Evdə 1:4 hesabı ilə uduzduğu qarşılaşmada "Düdelanj"ın start heyətində Daniel Sinani də yer alıb. O, cari mövsümdə 16 oyuna 14 qol vurub.
