"Qarabağ"ın UEFA Avropa Liqasının I qrupundakı rəqiblərindən olan Türkiyə "Sivasspor"u itki ilə üzləşib.
Sportnet.az klubun rəsmi saytına istinadən xəbər verir ki, komandanın yarımmüdafiəçisi Erdoğan Yeşilyurt Superliqanın V turunun "Kayserispor"la səfər oyununda (3:1) zədələnib.
Topuğundan xəsarət alan 27 yaşlı futbolçunun 3 həftədən sonra sıraya dönəcəyi bildirilib. Bu isə o deməkdir ki, təcrübəli oyunçu Avropa Liqasının III turunda noyabrın 5-də evdə "Qarabağ"la keçiriləcək görüşü buraxacaq.
Qeyd edək ki, qarşılaşma Bakı vaxtı ilə 21:55-də başlayacaq.
