Qadınlardan ibarət Azərbaycan millisi bu gün Avropa çempionatının seçmə mərhələsində növbəti oyununu keçirib.
Sportnet.az-ın məlumatına görə, D qrupunda yer alan yığma 7-ci matçında Bakıda İspaniya ilə üz-üzə gəlib. "ASK Arena"dakı qarşılaşma qonaqların 13:0 hesablı qələbəsi ilə başa çatıb.
İspaniya seçməsinin heyətində qolları 21, 24, 30, 31 və 87-ci dəqiqələrdə Ester Qonsales, 33, 43, 67, 82 və 90+3-cü dəqiqələrdə Cennifer Hermoso, 57-ci dəqiqədə Mariona Kaldentey, 75-ci dəqiqədə Eva Navarro və 84-cü dəqiqədə Neraya Eysagirre vurub.
Bu nəticədən sonra xallrını 19-a çatdıran ispaniyalılar final mərhələsinə vəsiqəni təmin ediblər. Xalı olmayan Siyasət Əsgərovun başçılıq etdiyi kollektiv isə sonuncu pillədə qalıb.
Qeyd edək ki, yığma qrupdakı son matçını fevralın 23-də evdə Moldovaya qarşı keçirəcək.
------------------------------------------
Qadınlardan ibarət Azərbaycan millisi bu gün Avropa çempionatının seçmə mərhələsində növbəti oyununu keçirəcək.
Sportnet.az-ın məlumatına görə, D qrupunda yer alan yığma 7-ci matçında Bakıda İspaniya ilə üz-üzə gələcək. "ASK Arena"dakı qarşılaşma saat 20:00-da başlayacaq.
Siyasət Əsgərovun başçılıq etdiyi komandanın heyətində yeganə itki Jalə Məhsimovadır. Rusiya "Zenit"ində çıxış edən futbolçu mövcud vəziyyətlə əlaqədar sənədləşmə işlərində müəyyən çətinliklər səbəbindən Bakıya gəlməyib.
Bunadək keçirdiyi 6 oyunda xal qazana bilməyən Azərbaycan millisi sonuncu pillədə qərarlaşıb. İspaniya yığması isə 6 görüşdən 16 xalla zirvədədir. Bu komandalar arasında ilk matç ispaniyalıların 4:0 hesablı qələbəsi ilə başa çatıb.
Avropa çempionatı
Seçmə mərhələ
20:00. Azərbaycan - İspaniya - 0:12
Qollar: Ester Qonsales, 21; 24; 30; 31; 87. Cennifer Hermoso, 33; 43; 67; 82; 90+3. Mariona Kaldentey, 57. Eva Navarro, 75
Azərbaycan: 1. Aytac Şərifova, 23. Yeliz Açar, 18. Alina Dorofeyeva, 13. Nərgiz Hacıyeva, 4. Nigar Mirzəliyeva, 17. Vüsalə Seyfəddinova, 2. Diana Məmmədova, 21. Aysun Əliyeva (kap.), 14. Nazlıcan Parlak, 7. Vüsalə Hacıyeva, 8. Firəngiz Teymurova
İspaniya: 1. Mariya Rodriges, 16. Mariya Leon, 20. Andrea Pereyra, 5. İvana Andres, 12. Patrisia Qvixarro, 6. Aytana Bonmati, 14. Aleksia Putellas, 8. Mariona Kaldentey, 19. Marta Kardona, 10. Cennifer Hermoso (kap.), 9. Ester Qonsales
Hakimlər: Maria Marotta, Françeska Di Monte, Veronika Vettorel, Valentina Fintsi (İtaliya)
Bakı, "ASK Arena" stadionu.
Qeyd edək ki, yığma qrupdakı son matçını fevralın 23-də evdə Moldovaya qarşı keçirəcək.
