Azərbaycan Premyer Liqasının XVI turunda üz-üzə gələcək "Suqmayıt" və "Qarabağ" komandaları oyuna itkilərlə çıxacaqlar.
Sportnet.az-ın məlumatına görə, Ağdam klubunda cəzalı Kevin Medina ilə yanaşı, zədəlilər - Kvabena Ovusu və Rahil Məmmədov da sabahkı matçı buraxacaq. Zədədən əziyyət çəkən digər oyunçu Filip Ozobiçin meydana çıxıb-çıxmayacağı sual altındadır.
"Sumqayıt"da isə kapitan Vurğun Hüseynovla cinah müdafiəçisi Cabir Əmirlinin zədəsi davam edir. Hər iki futbolçu "Qarabağ"a qarşı oynamayacaq.
Qeyd edək ki, "Kapital Banl Arena"da keçiriləcək "Sumqayıt" - "Qarabağ" görüşü saat 18:00-da başlayacaq.
