Futbol üzrə Azərbaycan Premyer Liqasında XXII turun daha bir oyunu keçirilib.
Sportnet.az xəbər verir ki, günün ikinci matçında "Sabah" "Səbail"i qəbul edib. “Bank Respublika Arena”dakı qarşılaşmada qol vurulmayıb.
Görüş meydan sahiblərinin üstünlüyü şəraitində keçib. 90+2-ci dəqiqədə "Səbail"in futbolçusu Məqsəd İsayev ikinci sarı vərəqəni alaraq meydandan qovulub. 90+3-cü dəqiqədə "Səbail"in hücumçusu Rauf Əliyev rəqib müdafiəçisi Bəhlul Musatafazadə ilə toqquşub. Nəticədə hər iki oyunçu zədə alıb.
Komandalar 20-ci xalını qazanıb və 6-7-ci yerləri bölüşdürürlər.
Qeyd edək ki, günün ilk qarşılaşmasında "Neftçi" səfərdə "Qəbələ" ilə heç-heçə edib - 2:2. Tura aprelin 11-də oynanılacaq "Zirə" - "Keşlə" və "Qarabağ" - "Sumqayıt" matçları ilə yekun vurulacaq.
-------------------------------------------
Futbol üzrə Azərbaycan Premyer Liqasında XXII tura start verilib.
Sportnet.az-ın məlumatına görə, günün ilk oyununda "Neftçi" "Qəbələ"nin qonağı olub.
Qəbələ şəhər stadionundakı matç 2:2 hesablı heç-heçə ilə yekunlaşıb. İlk hissədə qapılara qol vurulmayıb. Görüşdə əsas hadisələr ikinci yarıda baş verib. 54-cü dəqiqədə meydan sahiblərinin heyətində Ceyms Adeniyi baxımlı qolla hesabı açıb.
62-ci dəqiqədə paytaxt təmsilçisinin hücumçusu Mirabdulla Abbasov hesabı bərabərləşdirib. Bundan 5 dəqiqə sonra "qırmızı-qaralar" yenidən önə keçib. Yurqen Qoca topu qapıdan keçirib. Flaqmanın kapitanı Emin Mahmudov 71-ci dəqiqədə penaltidən fərqlənməklə hesaba yenidən tarazlıq gətirib.
Bu nəticədən sonra xalını 43-ə çatdıran "Neftçi" ən azı bir günlük liderliyə yüksəlib. "Qəbələ" isə 24 xalla 5-cidir.
Qeyd edək ki, günün digər oyununda "Sabah" "Səbail"i qəbul edəcək. Tura aprelin 11-də oynanılacaq "Zirə" - "Keşlə" və "Qarabağ" - "Sumqayıt" matçları ilə yekun vurulacaq.
--------------------------------------------
Bu gün futbol üzrə Azərbaycan Premyer Liqasında XXII tura start veriləcək.
Sportnet.az-ın məlumatına görə, ilk oyun günündə 2 qarşılaşma keçiriləcək.
Günün ilk matçı Qəbələdə eyniadlı komanda ilə "Neftçi" arasında olacaq. Hazırda "ağ-qaralar" 42 xalla ikinci, "qırmızı-qaralar" isə 23 xalla 5-ci pillədə qərarlaşıb. İndiyədək ölkə çempionatında 50 dəfə üz-üzə gəlmiş kollektivlərin duelində flaqman 24, əyalət təmsilçisi 16 qələbə qazanıb. 10 görüşdə qalib müəyyənləşməyib. Topların fərqi də paytaxt klubunun xeyrinədir - 73-60. "Neftçi" son 15 oyunda meydanı qolsuz tərk etməyib. "Qəbələ" son 8 görüşdə qalib gəlməyib.
Günün digər qarşılaşmasında 19 xalla 7-ci sırada yer alan "Sabah" Masazırdakı "Bank Respublika Arena"da eyni xala malik "Səbail"lə üz-üzə gələcək. "Dənizçilər" şəxsi oyunlardakı göstəricilərə görə, turnir cədvəlində rəqibini bir pillə qabaqlayır. Bu, komandaların Premyer Liqada 11-ci dueli olacaq. Əvvəlki görüşlərdə hər iki klub hərəyə 4 qələbə əldə edib. 2 oyun isə heç-heçə başa çatıb. Topların fərqi də bərabərdir - 12:12. Son 3 görüşdə meydan sahibi olan komanda 2 qol vurub və qalib gəlib. “Səbail” son 4 səfərdə qələbə qazanmayıb.
Azərbaycan Premyer Liqası
XXII tur
10 aprel (şənbə)
16:00. “Qəbələ” – “Neftçi” - 2:2
Qol: Ceyms Adeniyi, 54. Yurqen Qoxa, 67 - Mirabdulla Abbasov, 62. Emin Mahmudov, 71 (p)
Hakimlər: Əliyar Ağayev, Akif Əmirəli, Zeynal Zeynalov, Fərid Hacıyev
Hakim-inspektor: Gülağa Cabarov
AFFA nümayəndəsi: Bəhram Qurbanov
Qəbələ şəhər stadionu.
18:00. “Sabah” –“Səbail” - 0:0
Qırmızı vərəqə: Məqsəd İsayev, 90+2 ("Səbail")
Hakimlər: Kamal Umudlu, Cavanşir Yusifov, Kamran Bayramov, Namiq Bəkirov
Hakim-inspektor: İmanxan Sultani
AFFA nümayəndəsi: Seymur Səlimli
“Bank Respublika Arena”.
Qeyd edək ki, tura aprelin 11-də oynanılacaq "Zirə" - "Keşlə" və "Qarabağ" - "Sumqayıt" matçları ilə yekun vurulacaq.
