Futbol üzrə Azərbaycan Premyer Liqasında VIII turun daha bir oyunu keçirilib.
Sportnet.az-ın məlumatına görə, "Neftçi" "Bakcell Arena"da "Zirə"ni qəbul edib. Qarşılaşma meydan sahiblərinin əzmkar qələbəsi ilə başa çatıb - 2:1.
Matçdan öncə koronavirusdan dünyasını dəyişmiş tanınmış jurnalist Elnur Əşrəfoğlu anılıb, stadionun tablolarında onun həyat yolundan bəhs edən sujet nümayiş olunub. Görüş isə 1 dəqiqəlik sükutla başlayıb. Bundan başqa, "Neftçi"də 100-cü oyununa çıxan qapıçı Aqil Məmmədov mükafatlandırılıb. 32 yaşlı qolkiperə mükafatı flaqmanın prezidenti Kamran Quliyev təqdim edib.
Oyuna gəlincə, hesab erkən qolla açılıb. 6-cı dəqiqədə Ağabala Ramazanov qonaqları önə keçirib. 39-cu dəqiqədə Sezar Meza Kolli "ağ-qaralar"ın bərabərlik qoluna imza atıb. Oyunda son nöqtəni isə 84-cü dəqiqədə Mirabdulla Abbasov qoyub.
Bu qələbədən sonra xallarını 17-yə çatdıran "Neftçi" 2-ci pillədəki mövqeyini qoruyub. 12 xalı olan "Zirə" isə 3-cü sırada qalıb.
Qeyd edək ki, günün ilk qarşılamasında "Sabah" evdə "Sumqayıt"a 3:1 hesabı ilə qalib gəlib. Turun digər 2 matçı oktyabrın 24-ü və 25-də gerçəkləşəcək. Müvafiq olaraq, "Qəbələ" səfərdə "Keşlə" ilə, "Qarabağ" isə "Səbail" ilə üz-üzə gələcək.
-----------------------------------------
Futbol üzrə Azərbaycan Premyer Liqasında II dövrəyə start verilib.
Sportnet.az-ın məlumatına görə, VIII turun açılış matçında "Sabah" və "Sumqayıt" komandaları üz-üzə gəliblər. Masazırdakı "Bank Respublika Arena"da baş tutan görüş meydan sahiblərinin 3:0 hesablı qələbəsi ilə başa çatıb.
Matçda hər 2 qol fasilədən sonra vurulub. 60-cı və 83-cü dəqiqələrdə Fofana Tiemoko, 79-cu dəqiqədə isə Ceyhun Nuriyev fərqlənib. Bu, paytaxt təmsilçisinin cari mövsümdə ilk qalibiyyəti olub. 11-ci dəqiqədə qonaqların heyətində Murad Xaçayev birbaşa qırmızı vərəqə ilə meydandan qovulub. 43-cü dəqiqədə isə "Sabah"ın yarımmüdafiəçisi Petar Şkuletiç zədələnərək meydanı tərk edib.
3 gün öncə Ramin Quliyevi istefaya göndərən "Sabah"ı bu oyuna baş məşqçi qismində klubun idman direktoru İqor Ponomaryov çıxarıb.
Bu nəticədən sonra xallarını 4-ə çatdıran "Sabah"ın mövqeyi dəyişməyib və komanda sonuncu pillədə qalıb. "Sumqayıt" isə 8 xalla 5-cidir.
Qeyd edək ki, günün ikinci oyununda "Neftçi" "Zirə"ni qəbul edəcək. Turun digər 2 matçı oktyabrın 24-ü və 25-də gerçəkləşəcək. Müvafiq olaraq, "Qəbələ" səfərdə "Keşlə" ilə, "Qarabağ" isə "Səbail" ilə üz-üzə gələcək.
----------------------------------------
Bu gün futbol üzrə Azərbaycan Premyer Liqasında VIII tura start veriləcək. Sportnet.az-ın məlumatına görə, ilk oyun günündə 2 qarşılaşma baş tutacaq.
İkinci dövrənin açılış oyununda "Sabah" və "Sumqayıt" komandaları üz-üzə gələcəklər. Hazırda paytaxt klubu 1 xalla sonuncu, "gənclik şəhəri" təmsilçisi isə 8 xalla 5-cidir. İki gün öncə Ramin Quliyevi istefaya göndərən meydan sahibləri bu görüşə baş məşqçisiz çıxacaqlar.
Komandalar indiyədək ölkə çempionatında 12 dəfə qarşılaşıblar. Bu oyunların 4-də "Sabah", 6-da "Sumqayıt" qələbə qazanıb. 2 qarşılaşma heç-heçə ilə başa çatıb. Topların nisbəti də qonaqların xeyrinədir - 17:12. İki kollektiv arasında son üç matçın hərəsində 2 qol vurulub. “Sabah”ın bütün ev oyunlarında hər iki komanda fərqlənib və meydan sahibləri qalib gəlməyib.
Günün son oyunu "Bakcell Arena"da gerçəkləşəcək. 14 xalla 2-ci pillədə qərarlaşan "Neftçi" özündən 2 xal az toplayan və 4-cü sırada yer alan "Zirə"ni qəbul edəcək. "Ağ-qaralar"ın heyətində Xorxe Korrea zədə səbəbindən meydana çıxa bilməyəcək. "Qartallar"da isə Filipe Paxtman və Georgi Stoilov analoji səbəbə görə oynamayacaq.
Bunadək Premyer Liqada 23 dəfə qarşılaşmış komandaların duelində "Zirə"nin aşkar üstünlüyü var. Qonaqlar 11, meydan sahibləri 6 dəfə qələbəni bayram ediblər. 6 görüşdə qalib müəyyənləşməyib. Topların nisbəti isə bərabərdir - 24:24. “Neftçi” son iki oyunda qalib gəlib. “Zirə” isə son üç səfər görüşündə qol vurmayıb.
Azərbaycan Premyer Liqası
VIII tur
23 oktyabr (şənbə)
16:00. “Sabah” – “Sumqayıt” - 3:0
Qollar: Fofana Tiemoko, 60; 83, Ceyhun Nuriyev, 79
Qırmızı vərəqə: Murad Xaçayev, 11 ("Sumqayıt")
Hakimlər: İnqilab Məmmədov, Rahil Ramazanov, Rəhman İmami, Rauf Cabarov
Hakim-inspektor: Munis Abdullayev
AFFA nümayəndəsi: Məmmədəli Məmmədov
“Bank Respublika Arena”.
18:15. “Neftçi” – “Zirə” - 2:1 (İKİNCİ HİSSƏ)
Qollar: Sezar Meza Kolli, 39, Mirabdulla Abbasov - Ağabala Ramazanov, 6
Hakimlər: Rəvan Həmzəzadə, Namiq Hüseynov, Cəmil Quliyev, Tural Qurbanov
Hakim-inspektor: Ömər Paşayev
AFFA nümayəndəsi: Eldəniz Musayev
“Bakcell Arena".
Qeyd edək ki, turun digər 2 oyunu oktyabrın 24-ü və 25-də gerçəkləşəcək. Müvafiq olaraq, "Qəbələ" səfərdə "Keşlə" ilə, "Qarabağ" isə "Səbail" ilə üz-üzə gələcək.
