Futbol üzrə Azərbaycan Premyer Liqasında VIII turun daha bir oyunu keçirilib.
Sportnet.az-ın məlumatına görə, günün yeganə matçında "Keşlə" "Qəbələ"ni qəbul edib.
Qarşılaşma qonaqların 3:2 hesablı qələbəsi ilə yekunlaşıb. Görüşdə ilk qol 23-cü dəqiqədə qeydə alınıb. "Qırmızı-qaralar"ın heyətində Ruan Renato fərqlənib. Yeddi dəqiqə sonra "Qəbələ"nin kapitanı Asif Məmmədov fərqi iki topa çatdırıb. 38-ci dəqiqədə "Keşlə"nin portuqaliyalı legioneri Aldair Neto fərqi azaltsa da, 59-cu dəqiqədə İsnik Alimi əyalət təmsilçisinin üçüncü qolunu vurub.
69-cu dəqiqədə qonaqların yarımmüdafiəçisi Stefan Vukçeviç ikinci sarı vərəqəni alaraq meydandan qovulub. 90+7-ci dəqiqədə Amil Yunanov "Keşlə"nin ikinci qolunun müəllifi olub.
Bu nəticədən sonra xallarının sayını 15-ə çatdıran "Qəbələ" 3-cü pillədə qalıb. Paytaxt klubu isə 7 xalla 6-cı sıradadır.
Qeyd edək ki, ilk oyun günündə "Sabah" evdə "Sumqayıt"a 3:0, "Neftçi" isə "Zirə"yə 2:1 hesabı ilə qalib gəlib. Tura oktyabrın 25-də oynanılacaq "Səbail" - "Qarabağ" matçı ilə yekun vurulacaq.
------------------------------------------------------------
Bu gün futbol üzrə Azərbaycan Premyer Liqasında VIII turun daha bir oyunu keçiriləcək.
Sportnet.az-ın məlumatına görə, "Keşlə" "ASK Arena"da "Qəbələ"ni sınağa çəkəcək. Qarşılaşma saat 16:00-da başlayacaq.
Hazırda əyalət təmsilçisi 12 xalla 3-cü pillədə qərarlaşıb. 7 xalı olan paytaxt klubu isə 6-cıdır. İki komanda indiyədək ölkə çempionatında 52 dəfə üz-üzə gəlib. Bu oyunların 19-da meydan sahibləri, 15-də qonaqlar qələbə qazanıblar. 18 görüş heç-heçə ilə başa çatıb. "Qəbələ” son 4 matçda qol vurub. “Keşlə” isə evdəki son 3 qarşılaşmada qələbə qazanıb.
Azərbaycan Premyer Liqası
VIII tur
24 oktyabr (bazar)
16:00. “Keşlə” – “Qəbələ” - 2:3
Qollar: Aldair Neto, 38. Amil Yunanov, 90+7 - Ruan Renato, 23. Asif Məmmədov, 30. İsnik Alimi, 59
Qırmızı vərəqə: Stefan Vukçeviç, 69 ("Qəbələ")
Hakimlər: Vüqar Həsənli, Elşad Abdullayev, Eyyub İbrahimov, Kamal Umudlu
Hakim-inspektor: Gülağa Cabarov
AFFA nümayəndəsi: İlham Əliyev
“ASK Arena”.
Qeyd edək ki, ilk oyun günündə "Sabah" evdə "Sumqayıt"a 3:0, "Neftçi" isə "Zirə"yə 2:1 hesabı ilə qalib gəlib. Tura oktyabrın 25-də oynanılacaq "Səbail" - "Qarabağ" matçı ilə yekun vurulacaq.
