Azərbaycan Kubokunda 1/8 final mərhələsinin daha bir oyunu keçirilib.
Sportnet.az-ın məlumatına görə, "Dalğa Arena"da I Divizion təmsilçisi MOİK və Premyer Liqada mübarizə aparan "Qəbələ" komandaları üz-üzə gəlib. Görüş qonaqların qələbəsi ilə yekunlaşıb - 2:1.
Hesabı 34-cü dəqiqədə meydan sahiblərinin hücumçusu İlham Allahverdiyev açıb. "Qəbələ" bərabərlik qolunu 55-ci dəqiqədə vurmağa müvəffəq olub. 75-ci dəqiqədə Elşən Veysov qırmızı vərəqə alaraq, "hərbçilər"i azlıqda qoyub. "Qırmızı-qaralar" say üstünlüyündən 88-ci dəqiqədə yararlanıb. Ülvi İsgəndərov qələbə topunu vuraraq, "Qəbələ"ni 1/4 finala çıxarıb.
Növbəti mərhələdə rəqib "Sumqayıt" olacaq.
Qeyd edək ki, günün ilk oyununda "Səbail" səfərdə "Zaqatala"ya 3:1 hesabı ilə qalib gələrək, 1/4 finalda "Zirə"yə rəqib olub. 1/8 finalın digər 2 matçı dekabrın 11-də oynanılacaq. Kubokun son qalibi "Keşlə" "Qaradağ Lökbatan"ı, "Sabah" isə "Kəpəz"i qəbul edəcək.
---------------------
Futbol üzrə Azərbaycan Kubokunda 1/8 final mərhələsinə start verilib.
Sportnet.az-ın məlumatına görə, günün ilk oyununda Premyer Liqa təmsilçisi "Səbail" I Divizionda çıxış edən "Zaqatala"nın qonağı olub.
Qarşılaşma paytaxt təmsilçisinin 3:1 hesablı qələbəsi ilə yekunlaşıb. 48-ci dəqiqədə Mirsayib Abbasov qonaqları hesabda önə keçirib. 57-ci dəqiqədə Roini İsmayılov tarazlığı bərpa edib. 10 dəqiqə sonra Əfran İsmayılov penaltini dəqiq yerinə yetirib. Mirsayib Abbasov 90+2-ci dəqiqədə özünün ikinci komandasının üçüncü qoluna imza atıb.
"Dənizçilər" 1/4 finalda "Zirə" ilə üz-üzə gələcək. Bu raundun görüşləri 1-2 fevralda gerçəkləşəcək.
Qeyd edək ki, günün digər oyununda "Qəbələ" MOİK-in qonağı olacaq. 1/8 finalın digər 2 matçı dekabrın 11-də oynanılacaq. Kubokun son qalibi "Keşlə" "Qaradağ Lökbatan"ı, "Sabah" isə "Kəpəz"i qəbul edəcək.
----------------------------------------------------------
Bu gün futbol üzrə Azərbaycan Kubokunda 2021/2022 mövsümünə start veriləcək.
Sportnet.az-ın məlumatına görə, kubok yarışı 1/8 final mərhələsinin görüşləri ilə başlayacaq.
İlk oyun günündə 2 qarşılaşma baş tutacaq. "Səbail" I Divizion təmsilçisi "Zaqatala"nın, "Qəbələ" isə MOİK-in qonağı olacaq. Matçlar müvafiq olaraq, saat 14:00 və 17:00-da başlayacaq.
Qeyd edək ki, 1/8 finalın digər 2 görüşü dekabrın 11-də oynanılacaq. Kubokun son qalibi "Keşlə" "Qaradağ Lökbatan"ı, "Sabah" isə "Kəpəz"i qəbul edəcək. Bu mərhələ 1 oyundan ibarət olacaq və qaləbə qazanan komandalar 1/4 finala yüksələcəklər.
Azərbaycan Kuboku
1/8 final
10 dekabr (cümə)
14:00. “Zaqatala” – “Səbail” - 1:3
Qollar: Roini İsmayılov, 57 - Mirsahib Abbasov, 48. 90+2 Əfran İsmayılov, 67 (p)
Hakimlər: Tural Qurbanov, Elşad Abdullayev, Rəhman İmami, Rəşad Əhmədov
Hakim-inspektor: Rövşən Əhmədov
AFFA nümayəndəsi: Eldəniz Musayev
Zaqatala Olimpiya İdman Kompleksinin stadionu.
17:00. MOİK – “Qəbələ” - 1:2
Qollar: İlham Allahverdiyev, 34 - Rövlan Muradov, 55. Ülvi İsgəndərov, 88
Qırmızı vərəqə: Elşən Veysov, 75 (MOİK)
Hakimlər: Fərid Hacıyev, Kamran Bayramov, Rahil Ramazanov, Namiq Bəkirov
Hakim-inspektor: Zöhrab Qədiyev
AFFA nümayəndəsi: Maşallah Əhmədov
“Dalğa Arena”.
