"Qəbələ"nin futbolçusu Ruslan Fomin "Qarabağ"la oyundan sonra jurnalistlərin suallarını cavablandırıb. Sportnet.az-ın məlumatına görə, ukraynalı hücumçu çətin oyunda qələbə qazandıqlarını bildirib.
O deyib ki, səfərdə qazandıqları 3 xal komandasının turnir cədvəlindəki mövqeyini bir az da yaxşılaşdırıb: "Ümid edirəm ki, qələbə seriyası davam edəcək. Futbolçuların hamısı bu gün özlərini yaxşı cəhətdən göstərdi. Komandada əhval-ruhiyyə yaxşı idi. Ona görə də qarşımıza "Qarabağ"ı məğlub etmək məqsədi qoymuşduq. "Qarabağ" açıq futbol oynadı və hücuma atıldı. Biz də əks-hücumlarla irəli keçməyə başladıq".
O deyib ki, səfərdə qazandıqları 3 xal komandasının turnir cədvəlindəki mövqeyini bir az da yaxşılaşdırıb: "Ümid edirəm ki, qələbə seriyası davam edəcək. Futbolçuların hamısı bu gün özlərini yaxşı cəhətdən göstərdi. Komandada əhval-ruhiyyə yaxşı idi. Ona görə də qarşımıza "Qarabağ"ı məğlub etmək məqsədi qoymuşduq. "Qarabağ" açıq futbol oynadı və hücuma atıldı. Biz də əks-hücumlarla irəli keçməyə başladıq".
Fomin kubok oyunu haqda da fikirlərini dilə gətirib: "Qarşıda "Simurq"la kubok oyunumuz var və inanıram ki, həmin görüşdə də meydanı qələbə ilə tərk edəcəyik. "Qəbələ" kubokun final mərhələsinə qədər irəliləyə bilər".
Qeyd edək ki, "Qəbələ" "Qarabağ"ı səfərdə məğlub edib - 1:0.
