Türkiyənin Antalya bölgəsində təlim-məşq toplanışında olan "Qarabağ" komandası ilk yoxlama matçına çıxıb.
Sportnet.az-ın məlumatına görə, Azərbaycan Premyer Liqasının lideri Rumıniya "Qaz Metan"ı ilə görüşüb. Oyun qolsuz bərabərliklə yekunlaşıb.
Qeyd edək ki, "Qarabağ" növbəti matçını yanvarın 21-də Polşanın "Şlyonsk" (Vrotslav) komandasına qarşı keçirəcək.
---------------------------
Qış təlim-məşq toplanışını davam etdirən “Səbail” komandası ilk yoxlama oyununa çıxıb.
Sportnet.az xəbər verir ki, Aftandil Hacıyevin baş məşqçisi olduğu komanda “Qarabağ”ın əvəzediciləri ilə qarşılaşıb. "Dalğa Arena"dakı görüş qolsuz bərabərliklə başa çatıb.
-----------------------------
Türkiyənin Antalya bölgəsində təlim-məşq toplanışında olan "Neftçi" komandası ilk yoxlama oyununu keçirib.
Sportnet.az-ın məlumatına görə, rəqib Macarıstan "Kişvarda"sı olub.
Qarşılaşma 2:2 hesablı heç-heçə ilə yekunlaşıb. Matçda ilk 2 qolu "Kişvarda" vurub. 42-ci dəqiqədə Emin Mahmudov, 71-ci dəqiqədə isə Ramin Nəsirli fərqlənərək, "ağ-qaralar"ı məğlubiyyətdən xilas edib.
Qeyd edək ki, "Neftçi" növbəti görüşünü yanvarın 19-da Polşanın “Visla” (Plotsk) komandasına qarşı keçirəcək.
----------------------------
Bu gün "Neftçi" və "Qarabağ" komandaları Türkiyənin Antalya bölgəsindəki təlim-məşq toplanışında ilk yoxlama oyununu keçirəcəklər.
Sportnet.az-ın məlumatına görə, paytaxt klubu Macarıstan "Kişvarda"sı ilə üz-üzə gələcək.
Qarşılaşma Bakı vaxtı ilə saat 17:00-da start götürəcək.
"Qarabağ" Rumıniya "Qaz Metan"ı ilə görüşəcək. Matç Bakı vaxtı ilə saat 18:00-da başlayacaq.
Premyer Liqanın digər təmsilçisi "Səbail" də ilk yoxlama matçına çıxacaq. "Dənizçilər" Bakıda "Qarabağ"ın əvəzedici komandası ilə qarşılaşacaq.
Qeyd edək ki, "Gloria Sports Arena"da məskunlaşan "Qarabağ" yanvarın 21-i "Şlyonsk Vroçlav" (Polşa), yanvarın 25-i isə “Visla Krakov” (Polşa) klubları ilə üz-üzə gələcək. Yanvarın 21-i və 25-i daha iki oyun nəzərdə tutulub. Komanda səhər saatlarında Serbiyanın "Batska Topola" və Slovakiyanın "Tatran" klubları ilə üz-üzə gələcək. Bu iki oyunda əsasən, gənc futbolçulara şans veriləcək.
"Neftçi" yanvarın 19-da “Visla” (Plotsk, Polşa), yanvarın 24-də "MOİK - 1948" (Bolqarıstan) komandası ilə üz-üzə gələcək. "Səbail" yanvarın 18-də və 24-də "Keşlə" ilə, yanvarın 21-də isə MOİK-lə oynayacaq.
Yoxlama oyunları
17:00. "Neftçi" - "Kişvarda" (Macarıstan) - 2:2
Qollar: Emin Mahmudov, 42. Ramin Nəsirli, 71
"Neftçi": 12. Kamran İbrahimov. 4. Huqo Basto (19. Azər Salahlı, 64), 6. Voislav Stankoviç (26. Ömər Buludov, 68), 8. Emin Mahmudov (44. Seymur Əliyev, 75), 14. Eddi İsrafiov (27. Fərid Yusifli, 64), 20. Mert Çelik (3. Mamadu Mboc, 64), 22. Mirabdulla Abbasov, 24. Yusuf Laval (11. Harramiz Soares, 73), 37. Vüsal Əsgərov, 82. Rüfət Abbasov, 97. Xəyal Nəcəfov
Ehtiyat oyunçular: Rza Cəfərov, Mamadu Mboc, Harramiz Suares, Azər Salahlı, Ömər Buludov, Fərid Yusifli, Seymur Əliyev, Ramin Nəsirli
18:00. "Qarabağ" - "Qaz Metan" (Rumıniya) - 0:0
"Qarabağ": 89. Amin Ramazanov, 29. Marko Veşoviç, 5. Maksim Medvedev (k), 81. Kevin Medina, 27. Toral Bayramov, 2. Qara Qarayev, 7. Riçard Almeyda, 20. Kadi Borges, 77. Ramil Şeydayev, 10. Abdullah Zubir, 25. İbrahima Vadji
16:00. "Səbail" - "Qarabağ-2" - 0:0.
