İspaniya "Barselona"sı İtaliyanın "Napoli" klubuna qarşı keçirəcəyi Avropa Liqasının pley-off oyunları üçün iştirak ərizəsini UEFA-ya təqdim edib.
Sportnet.az-ın Kataloniya təmsilçisinin rəsmi saytına istinadən məlumatına görə, siyahıda 38 futbolçu yer alıb. Onların arasında komandanın yeni transferi Dani Alvesin adı yoxdur.
Baş məşqçi Xavi Ernandes digər yeni oyunçular - Ferran Torres, Adama Traore və Pyer-Emerik Obameyanqı isə sifraiş ərizəsinə daxil edib.
Qeyd edək ki, "Barselona" və "Napoli" arasında ilk oyun fevralın 17-də, cavab matçı isə bundan bir həftə sonra olacaq.
