Azərbaycan millisinin sabiq futbolçusu Rauf Əliyev Premyer Liqada 300-cü oyununu keçirib.
Sportnet.az xəbər verir ki, “Səbail”in hücumçusunun yubileyi Premyer Liqanın XV turuna təsadüf edib. “Sumqayıt”la ev matçına qədər 299 oyuna çıxan forvard üçün 1:1 hesablı heç-heçə yubiley xarakteri daşıyıb. Əliyev bu matçlarda 63 qol vurub.
Ölkə çempionatında 2006/07 mövsümündə debüt edən Rauf Əliyevin ilk komandası “Qarabağ” olub. O, Ağdam təmsilçisində 131 (23 qol), “Səbail”də 41 (9 qol), “Bakı”da 38 (11 qol), “Keşlə”də 36 (12 qol), “Qəbələ”də 23 (4 qol), “Neftçi”də 20 (1 qol), “Xəzər Lənkəran”da 11 (3 qol) oyun keçirib.
