Azərbaycan Kubokunun 1/4 final mərhələsinin ilk oyunları keçirilib. artıq iki görüşün nəticələr məlumdur.
"Bakcell Arena"da AZAL-la qolsuz heç-heçə edən "Neftçi" Şüvəlanda rəqib qapısından bir cavabsız top keçirməklə 1/2 final mərhələsinə vəsiqə qazanıb. Paytaxt klubu "Xəzər Lənkəran" və "İnter" cütlüyünün qalibi ilə qaşrılaşacaq.
Digər oyunda isə "Qarabağ" səfərdə "Bakı" ilə qarşılaşıb. Tofiq Bəhramov adına Respublika Stadionunda keçirilən ilk oyunda 3:0 hesabı ilə qalib gələn Ağdam klubu cavab görüşündə də byükhesablı qələbə qazanıb - 4:1. İki oyunun nəticəsinə görə "Qarabağ" kubok uğrunda mübarizəni davam etdirəcək. "Köhlən atlar"ın yarımfinaldakı rəqibi "Simurq" - "Qəbələ" matçının qalibi olacaq.
Qeyd edək ki, 1/2 final mərhələsinin ilk oyunları aprelin 13-də, cavab oyunları 21-də keçiriləcək.
