Azərbaycan Kubokunda 1/4 final mərhələsinin növbəti oyunu keçirilib.
Sportnet.az-ın məlumatına görə, ilk oyunlar çərçivəsində son matçda “Səbail” “Sabah”ı qəbul edib.
“ASCO Arena”dakı görüşün 12-ci dəqiqəsində qonaq komanda meydanda azlıqda qalıb. Qapıçı Nicat Mehbalıyev qırmızı vərəqə aldığından, “Sabah” qarşılaşmanın böyük hissəsini 10 nəfərlə keçirib.
Oyunda hesabı meydan sahibləri açıblar. “Səbail”in futbolçusu Kizito Luvaqa 32-ci dəqiqədə fərqlənib. 62-ci dəqiqədə Franko Mazurek fərqi iki topa çatdırıb. Argentinalı yarımmüdafiəçi 11 dəqiqə sonra dubla imza atıb. 80-ci dəqiqədə Kristian Sebalyos dəqiq zərbə ilə qollardan birinin əvəzini çıxıb.
Ancaq bu da görüşdə son top olmayıb. 90+5-ci dəqiqədə Davit Volkov adını tabloya yazdırıb. Qarşılaşmada son nöqtəni qoyan gürcüstanlı hücumçu fərqi minimuma endirib. Nəticədə “Səbail” 3 top fərqilə önə keçdiyi qarşılaşmadan 3:2 hesablı qələbə ilə ayrılıb.
Tərəflər arasında cavab oyunu dekabrın 19-da baş tutacaq.
1/4 finalın əvvəlki oyunlarında “Zirə” evdə “Neftçi”yə 1:0, “Turan Tovuz” səfərdə “Kəpəz”ə 2:1 hesabı ilə qalib gəlib, “Qarabağ” isə “Qəbələ” ilə heç-heçə edib - 2:2.
--------------------------
Azərbaycan Kubokunda 1/4 final mərhələsinin daha bir oyunu keçirilib.
Sportnet.az-ın məlumatına görə, günün ilk matçında "Kəpəz" "Turan Tovuz"u qəbul edib.
Gəncə şəhər stadionundakı qarşılaşma Tovuz təmsilçisinin 2:1 hesablı qələbəsi ilə yekunlaşıb.
Görüşdə hesabı meydan sahibləri açıblar. "Kəpəz"in futbolçusu Abdullahi Şaybu 9-cu dəqiqədə fərqlənib. "Turan Tovuz" qollarını ikinci hissədə vurub. 52-ci dəqiqədə Runi Eva penaltini dəqiq yerinə yetirib. 64-cü dəqiqədə Ehtiram Şahverdiyev qələbə qolunun müəllifi olub. Tərəflər arasında cavab oyuun dekabrın 20-də olacaq.
Günün digər matçında "Sabah" "Səbail"lə üz-üzə gələcək. 1/4 finalın əvvəlki oyunlarında "Zirə" evdə "Neftçi"yə 1:0 hesabı ilə qalib gəlib, "Qarabağ" isə "Qəbələ" ilə heç-heçə edib - 2:2.
--------------------------
Bu gün futbol üzrə Azərbaycan Kubokunda 1/4 final mərhələsinin daha iki oyunu keçiriləcək.
Sportnet.az-ın məlumatına görə, bununla da ilk qarşılaşmalara yekun vurulacaq.
Günün ilk matçında "Kəpəz" "Turan Tovuz"u qəbul edəcək. Gəncə şəhər stadionunda oynanılacaq görüş saat 14:00-da başlayacaq. Oyunu Rauf Allahverdiyev idarə edəcək.
İki komanda indiyədən ölkə kubokunda üz-üzə gəlməyib.
Günün son matçında isə "Sabah" "ASCRO Arena"da "Səbail"lə qarşılaşacaq. Qarşılaşmanın baş hakimi Nicat İsmayıllı olacaq. Komandalar bunadək Azərbaycan Kubokunda bir-birinə rəqib olmayıb.
Azərbaycan Kuboku
1/4 final, ilk oyunlar
9 dekabr (cümə)
14:00. “Kəpəz” – “Turan Tovuz” - 1:2
Qol: Abdullahi Şuaybu, 9 - Runi Eva, 52 (p). Ehtiram Şahverdiyev, 64
Hakimlər: Rauf Allahverdiyev, Cavanşir Yusufov, Müslüm Əliyev, Vüqar Həsənli
Hakim-inspektor: İmanxan Sultani
Gəncə şəhər stadionu.
17:00. “Səbail” – “Sabah” - 3:2
Qollar: Kizito Luvaqa, 27. Franko Mazurek, 62; 73 - Kristian Sebalyos, 80. Davit Volkov, 90+5
Qırmızı vərəqə: Nicat Mehbalıyev, 12 ("Sabah")
Hakimlər: Nicat İsmayıllı, Kamran Bayramov, Vüsal Məmmədov, Fərid Hacıyev
Hakim-inspektor: Ramil Diniyev
“ASCO Arena”.
Qeyd edək ki, 1/4 finalın əvvəlki oyunlarında "Zirə" evdə "Neftçi"yə 1:0 hesabı ilə qalib gəlib, "Qarabağ" isə "Qəbələ" ilə heç-heçə edib - 2:2. Bu raundun cavab matçları 19-20 dekabrda baş tutacaq.
