"Qarabağ" və "Neftçi"nin sabiq futbolçusu Donal Gerye yenidən Azərbaycanda çıxış edə bilər.
Sportnet.az xəbər verir ki, bu barədə "Report"a 34 yaşlı yarımmüdafiəçinin özü deyib.
Təcrübəli oyunçu bildirib ki, aid olduğu yerə qayıtsa, özünü xoşbəxt hiss edər: "Orada nə baş verdiyini bilmirəm. Amma, bir çox insan mənə bununla bağlı mesaj göndərir".
Haiti millisinin üzvü "Sumqayıt"a keçə biləcəyi ilə bağlı xəbəri isə təkzib edib: "Heç bir təklif almamamışam. Anlaşmadan isə söhbət gedə bilməz. Çünki hazırkı klubumla yayadək müqaviləm var".
Qeyd edək ki, 2017-2019-cu illərdə “Qarabağ”ın formasını geyinən Vild-Donald Gerye 2019-2020 mövsümünü “Neftçi”də, 2020-2021 mövsümünün isə ilk yarısını yenidən Ağdam klubunda keçirib. O, hazırda Kiprin “Olimpiakos” klubunda çıxış edir.
