Misli Premyer Liqasının (APL) 2022/2023 mövsümünün ilk yarısında keçirilən oyunların 12-də geridönüş olub.
Sportnet.az "report"a istinadən xəbər verir ki, bu sayda matçda hesabda geri düşən komanda sonda meydanı qalib kimi tərk etməyi bacarıb.
Bu baxımdan “Qarabağ” hamını qabaqlayır. Premyer Liqanın lideri keçirdiyi 4 görüşün gedişində hesabda geri düşsə də, aktivinə 3 xal yazdıra bilib. Qurban Qurbanovun kollektivi bu qarşılaşmaların 3-də ilk topu buraxan tərəf olub.
“Sabah”la 7 qolun qeydə alındığı oyunda ağdamlılar 2:3-ü 4:3 hesabına çeviriblər. Ümumiyyətlə, bu, ilk yarıda iki “kambək” olan yeganə qarşılaşmadır. “Qarabağ”ın hesabı açdığı görüşün gedişində “Sabah” 3:2 önə keçsə də, üstünlüyünü qoruyub saxlaya bilməyib.
“Qarabağ”la yanaşı, “Qəbələ”nin də 4 matçında geridönüş yaşanıb. Lakin “qırmızı-qararlar” bunun 3-də üstünlüyü qoruya bilməyərək, məğlubiyyətə düçar olublar.
Komandaların oyunlarında geridönüş sayları:
“Qarabağ” (4 dəfə) – 4 qələbə
“Qəbələ” (4) – 1 qələbə, 3 məğlubiyyət
“Sabah” (3) – 2 qələbə, 1 məğlubiyyət
“Zirə” (3) - 2 qələbə, 1 məğlubiyyət
“Neftçi” (3) – 1 qələbə, 2 məğlubiyyət
“Səbail” (2) – 1 qələbə, 1 məğlubiyyət
“Kəpəz” (2) - 1 qələbə, 1 məğlubiyyət
“Şamaxı” (1) - 1 məğlubiyyət
“Turan Tovuz” - 1 məğlubiyyət
“Sumqayıt” - 1 məğlubiyyət
Geridönüş olan oyunlar:
III tur. “Sabah” – “Neftçi” – 2:1
Qollar: Aleksey İsayev, 78 (pen.), Emmanuel Apeh, 90+1 (pen.) - Yusuf Laval, 45+1
IV tur. “Səbail” – “Kəpəz” – 4:1
Qollar: Qoba Zakpa, 52, Franko Mazurek, 55, Ağabala Ramazanov, 74, 90+5 - Əfran İsmayılov, 11
V tur. “Zirə” – “Qəbələ” – 2:1
Qollar: Rəhim Sadıxov, 45, 74 - İsnik Alimi, 35 (pen.)
VI tur. “Qarabağ” – “Sabah” – 4:3
Qollar: Musa Qurbanlı, 29, Elvin Cəfərquliyev, 51, Ramil Şeydayev, 84 (pen.), 90+3 (pen.) - Emmanuel Apeh, 33, Coy Lens Mikels, 60, Aleksey Kaşuk, 68
VI tur. “Qəbələ” – “Neftçi” – 1:2
Qollar: Məqsəd İsayev, 32 - Ataa Caber, 46, 53
VII tur. “Kəpəz” – “Şamaxı” – 2:1
Qollar: Ahmed Ayzaya, 47, Abdullahi Şuaybu, 59 - Nihad Quliyev, 5
VII tur. “Zirə” – “Qarabağ” – 1:7
Qollar: Coşqun Diniyev, 34 - Toral Bayramov, 44, Musa Qurbanlı, 56, 60, 79, 84, Kadi Borqes, 64, Ramil Şeydayev, 68
VIII tur. “Turan Tovuz” – “Zirə” – 1:3
Qollar: Natan Oduva, 27 - Coşqun Diniyev, 33, Hamidu Keyta, 40, 48
VIII tur. “Qarabağ” – “Neftçi” – 3:1
Qollar: Kadi Borqes, 56, Abdullah Zubir, 68, Kvabena Ovusu, 74 - Eddi İsrafilov, 24
X tur. “Qarabağ” – “Sumqayıt” – 3:1
Qollar: Ramil Şeydayev, 67, 88 (pen.), Musa Qurbanlı, 73 - Almir Aqanspahiç, 55
XII tur. “Sabah” – “Qəbələ” – 2:1
Qollar: Aleksey Kaşuk, 63, Davit Volkov, 90+3 - İsnik Alimi, 5 (pen.)
XVI tur. “Qəbələ” – “Səbail” – 2:1
Qollar: Feras Abu Akal, 35, Ülvi İsgəndərov, 65 - Kizito Luvaqa, 5
Report
