Azərbaycan Premyer Liqasında XXV turun daha bir oyunu keçirilib.
Sportnet.az xəbər verir ki, “Sabah” öz meydanında “Araz-Naxçıvan”la qarşılaşıb.
Matçın birinci hissəsində qapılara qol vurulmayıb. Hesab fasilədən sonra açılıb. 54-cü dəqiqədə meydan sahiblərinin oyunçusu Emmanuel Apeh yaxın məsafədən toru silkələyib. Qarşılaşmada son nöqtəni 90+7-ci dəqiqədə Kahim Parris qoyub. Beləliklə, 2:0 hesablı qələbə qazanan bakılılar xallarının sayını 34-ə yüksəldiblər. Naxçıvan təmsilçisi isə 31 xalda qalıb.
Qeyd edək ki, ötən gün “Kəpəz” səfərdə “Sumqayıt”ı (3:1) məğlub edib, bu gün “Zirə” ilə “Turan Tovuz” (1:1) bərabərə qalıblar. Tura martın 3-də keçiriləcək “Qəbələ” – “Səbail” və “Neftçi” - “Qarabağ” oyunları ilə yekun vurulacaq.
------------------------------------
Azərbaycan Premyer Liqasında XXV turun daha bir oyunu keçirilib.
Sportnet.az xəbər verir ki, mövsümün ikinci yarısında uğursuz çıxış edən “Zirə” növbəti dəfə büdrəyib.
Rəşad Sadıqovun baş məşqçisi olduğu kollektiv öz meydançasında “Turan Tovuz”la heç-heçə edib. Qonaq komanda erkən qolla hesabı açıb. 11-ci dəqiqədə Belajdi Pusi fərqlənib. Bu azmış kimi, bakılılar fasilə ərəfəsində meydançada azlıqda qalıblar. 43-cü dəqiqədə rəqibini qapıçı ilə təkbətək qalmaq hüququndan kobudluqla məhrum edən İssa Cibrila birbaşa qırmızı vərəqə alıb.
“Zirə” 10 nəfərlə çıxış etməsinə baxmayaraq, 62-ci dəqiqədə “status-kvo”nu bərpa edib. Təyin olunan penaltini Ceyhun Nuriyev dəqiq yerinə yetirib. Tovuzluların qalan dəqiqələrdəki cəhdlərinə baxmayaraq, qələbə qolunu vurmaq mümkün olmayıb.
Beləliklə, qarşılaşma 1:1 hesabı ilə yekunlaşıb. Bu nəticədən sonra “Zirə” xallarının sayını 36-ya, “Turan Tovuz” isə 32-yə çatdırıb.
Qeyd edək ki, ötən gün “Kəpəz” səfərdə “Sumqayıt”ı (3:1) məğlub edib. Bu gün “Sabah”la “Araz-Naxçıvan” üz-üzə gələcək. Tura martın 3-də keçiriləcək “Qəbələ” – “Səbail” və “Neftçi” - “Qarabağ” oyunları ilə yekun vurulacaq.
-------------------------------------
Azərbaycan Premyer Liqasında bu gün XXV turun daha iki oyunu keçiriləcək.
Sportnet.az xəbər verir ki, hər iki görüş Bakıda baş tutacaq.
Əvvəlcə “Zirə” doğma meydançasında “Turan Tovuz”u qəbul edəcək. Qalibiyyətsiz oyunlar seriyasına ötən turda son qoyan Rəşad Sadıqovun yetirmələri liderlər qrupundan uzaqlaşmamaq üçün hesabına 3 xal yazdırmalıdırlar. Əks təqdirdə, tovuzlular dördüncü pillədəki rəqibi ilə fərqi 1 xala endirəcək. Hazırda “Zirə”nin 35, “Turan Tovuz”un isə 31 xalı var.
Eyni xalla (31) turnir cədvəlində qonşu olan “Sabah”la “Araz-Naxçıvan” birincilərin meydançasında qarşılaşacaqlar. Qalib gələn tərəf yuxarı pillələrə yaxınlaşmaq imkanı əldə edəcək.
Qeyd edək ki, ötən gün “Kəpəz” səfərdə “Sumqayıt”ı (3:1) məğlub edib. Tura martın 3-də keçiriləcək “Qəbələ” – “Səbail” və “Neftçi” - “Qarabağ” oyunları ilə yekun vurulacaq.
Premyer Liqa
XXV tur
2 mart (şənbə)
16:00. “Zirə” – “Turan Tovuz” - 1:1
Qollar: Ceyhun Nuriyev, 62 (pen.) - Belaydi Pusi, 10
Qırmızı vərəqə: İssa Cibrila, 43 ("Zirə")
Hakimlər: Rəvan Həmzəzadə, Namiq Hüseynov, Rahil Ramazanov, İnqilab Məmmədov
Hakim-inspektor: Rəhim Həsənov
AFFA nümayəndəsi: Kifayət Mustafayeva
Zirə İK stadionu
18:30. “Sabah” – “Araz-Naxçıvan” - 2:0
Qollar: Emanuel Apeh, 54. Kahim Parris, 90+7
Hakimlər: Kamal Umudlu, Vüsal Məmmədov, Kamran Bayramov, Fərid Hacıyev
Hakim-inspektor: Munis Abdullayev
AFFA nümayəndəsi: Bəhram Qurbanov
“Bank Respublika Arena”
