Türkmənistan futzal yığması Bakıdakı təlim-məşq toplanışını başa vurub. Sportnet.az-ın məlumatına görə, türkmənlər son yoxlama oyununda futzal çempionatımızın birinci divizion təmsilçisi "Hell Energy"yə 3:0 hesabı ilə qalib gəlib.
Bununla da Asiya təmsilçisi paytaxtımızdakı hazırlıq prosesində 5 yoxlama oyununda 3 dəfə meydanı qalib tərk edib, 1 bərabərliyə və 1 məğlubiyyətə imza atıb.
Yaponiyalı mütəxəssis Keoxey Nakamuranın baş məşqçisi olduğu komanda artıq Türkmənistan qayıdıb və yeni ildən sonra hazırlığını tam heyətlə Aşqabadda davam etdirəcək.
