"Qrupdan birinci yerlə çıxdıq. Bizə məhz bu lazımdı idi ki, onu da qazandıq. Bu oyunları artıq yaddan çıxarıb, Sloveniyanı gözləyirik".
Bunu Sportnet.az-a açıqlamasında futzal üzrə milli komandamızın üzvü Xətai Bağırov deyib. O, komadanın Sloveniyadakı Avropa çempionatında uğrulu nəticə qazanması üçün əllərindən gələni edəcəklərini söyləyib. Bununla yanaşı Bağırov karyerasını hələ ki, ölkəmizdə davam etdirmək istədiyini bildirib: "Bakıdakı oyunlara necə hazırlaşmışdıqsa, Avropa çempionatına da elə hazırlaşacağıq.
Rəqiblərimizi ən yaxşı şəkildə analiz edib yaxşı nəticələr qazanmaq istəyirik. Sloveniyada ən yaxşılar olacaq və biz də yaxşı nəticə üçün oynayacağıq. Avropa klublarından birinə yollanmaq? Hələ ki, bura yaxşıdı, hər şeydən razıyam. Gələcəkdə necə olacaq, zaman göstərəcək".
