Azərbaycan boksçusu Rüfət Hüseynov 2016-cı il Rio-de-Janeyro Yay Olimpiya Oyunlarına məğlubiyyətlə başlayıb. Sportnet.az-ın məlumatına görə, 49 kq çəki dərəcəsində çıxış edən Hüseynov 1/16 finalda namibiyalı Matias Hamunyelaya məğlub olub.
İlk raundda Azərbaycan, ikincisində Namibiya təmsilçisi üstün olub. Üçüncü raundda isə hakimlər Hamunyelanı qalib elan edib. Bu qərar Hüseynov tərəfindən narazılıqla qarşılanıb. Lakin nəticə dəyişməyib.
