Bakı. 13 may. REPORT.AZ/ Mayın 16-dan İspaniyanın paytaxtı Madriddə 2016-cı il Rio-de-Janeyro Yay Olimpiya Oyunlarına yollanacaq Azərbaycan nümayəndə heyətinin ilkin qeydiyyatı ilə bağlı iclas start götürəcək. Milli Olimpiya Komitəsinin (MOK) mətbuat xidmətindən Sportnet.az-a verilən məlumata görə, iclas 4 gün davam edəcək.
İclasda Gənclər və İdman Nazirliyinin Beynəlxalq Əlaqələr İdarəsinin rəisi və Rio-2016-nın Azərbaycan nümayəndə heyətinin rəhbəri İlham Mədətov, MOK-un Beynəlxlq Əlaqələr İdarəsinin rəisi Anar Bağırov iştirak edəcək.
Tədbir çərçivəsində Rio-2016-da iştirak edəcək ölkə nümayəndələrinin hazırlıq prosesi, idmançıların qeydiyyatı və digər məsələlər müzakirə olunacaq.
