Sabah "Rio-2016" Yay Olimpiya Oyunlarında qadın güləşçilərin mübarizəsi başlayacaq. Sportnet.az-ın məlumatına görə, ilk olaraq iki təmsilçimiz – Mariya Stadnik (48 kq) və Yuliya Ratkeviç (58 kq) döşək üzərinə çıxacaqlar.
Yarışa 1/8 finaldan başlayacaq xanım güləşçilərimizin artıq ilk rəqibləri məlumdur. Stadnik argentinalı Alexandra Patrisia ilə üzləşəcək. Qarşılaşma Bakı vaxtilə saat 17:48-də başlayacaq. Ratkeviçin ilk rəqibi isə ukraynalı Oksana Herhel olacaq. Bu mübarizə saat 17:56-da start götürəcək.
