İngiltərə milli komandası DÇ-2014-də 1/8 finala vəsiqə şanslarını itirib. Sportnet.az-ın məlumatına görə, baş məşqçi Roy Hocsonun komandası D qrupundakı ilk iki matçından məğlub ayrılıb.
Kosta Rikanın İtaliyaya 1:0 hesablı qələbəsindən sonra İngiltərənin qrupda ən yaxşı halda 3-cü yeri tuta biləcəyi müəyyənləşib. Hazırda Kosta Rikanın 6, İtaliyanın 3 xalı var. Son turda İngiltərə Kosta Rika ilə, İtaliya isə Uruqvayla qarşılaşacaq. İngiltərə İtaliya ilə xallarını bərabərləşdirsə belə, ilk turda bu rəqibə 1:2 hesabı ilə uduzduğundan, mərhələ adlaya bilməyəcək. Kosta Rika artıq qrup lideri kimi 1/8 finala vəsiqəni təmin edib. İkinci vəsiqə uğrunda isə İtaliya ilə Uruqvay mübarizə aparacaq.
İngiltərə millisi 1994-cü ildən sonra ilk dəfə "pley-off"a vəsiqə qazana bilməyib. Həmin vaxt bu komanda ümumiyyətlə, mundialdan kənarda qalıb. İngiltərə qrup mərhələsindəcə mübarizəni isə 1958-ci il dünya çempionatında dayandırıb.
